ՔԻՄԻԱԿԱՆ ԶԷՆՔԻ ԳՈՐԾԱԾՈՒԹԵԱՆ ՄԻՋԱԶԳԱՅԻՆ ԽՈՐՀՐԴԱԺՈՂՈՎ ԺԸՆԵՒԻ ՄԷՋ

0
120

Ժընեւի  մէջ, ՄԱԿ-ի հովանիի տակ տեղի ունեցաւ քիմիական զէնքի   գործածութեան հետեւանքներուն  նուիրուած  միջազգային   խորհրդաժողով մը :  Խորհրդաժողովին  կը մասնակցէին    նաեւ Սուրիոյ  Ղութա   քաղաքին մէջ,   քիմիական զէնքի յարձակումներուն  ականատեսներ:  Հակառակ   Միացեալ Նահանգներու պնդումին, թէ   իշխանութիւնները  կիրառած են սարին  կազ,  ականատեսները   հաւաստեցին, թէ  յարձակումներուն ետին կեցած էր ընդդիմութիւնը:

Խորհրդժողովին մասնակից, ամերիկացի իրաւաբան եւ Սատտամ Հիւսէյնի  փաստաբան Քըրթիս  Տոպլըր  դատապարտեց  Սուրիոյ վրայ յարձակելու ամերիկեան արշաւը. «Սուրիոյ վրայ  յարձակումը միջազգային չափանիշներու խախտում մըն է:  Ո’չ Միացեալ Նահանգները, ո’չ ալ Ֆրանսա  հիմք չունին Պաշշար Ասատը մեղադրելու  քիմիական զէնքի կիրառման մէջ: Ես աւելի քան երկու  հարիւր  տեսագրութիւն դիտած եմ եւ  հակուած եմ  յայտարարելու, թէ  անոնք կեղծուած են». յայտարարեց Տոպլըր: 

Խորհրդաժողովին մասնակիցները մերժեցին ստորագրել սուրիական  իշխանութիւնները դատապարտող ամերիկեան բանաձեւը:

LEAVE A REPLY

Please enter your comment!
Please enter your name here