ԱՏՐՊԷՅՃԱՆԻ ՓՈԽԱՐՏԱՔԻՆ ԳՈՐԾՈՑ ՆԱԽԱՐԱՐԸ ՊԻՏԻ ԱՅՑԵԼԷ ԵՐԵՒԱՆ

0
144

Ատրպէյճանի արտաքին գործոց նախարարութեան բանբեր Էլման Ապտուլլայեւ լրագրողներուն յայտնեց, որ արտաքին գործոց նախարարի տեղակալ Մահմուտ Մամետկուլիեւ այս շաբաթ պիտի այցելէ Հայաստան:

Ըստ Ապտուլլայեւի, այցելութեան նպատակը մասնակցութիւնն է այսօր եւ  վաղը՝  12-13 Սեպտեմբերին, Երեւանի մէջ տեղի ունենալիք Եւրոպական Միութեան Արեւելեան գործընկերութեան արտաքին գործոց նախարարներու ոչ պաշտօնական նիստին:

Նիստին պիտի մասնակցի նաեւ Եւրոպական Միութեան մօտ Ատրպէյճանի դեսպան Ֆուատ Իսքենտերով:

Նախորդ շաբաթավերջին Մահմուտ Մամետկուլիեւ յայտնած էր, որ Ատրպէյճանի մասնակցութիւնը երեւանեան նիստին կարելի է` հաշուի առնելով այն հանգամանքը, որ ատիկա Արեւելեան գործընկերութեան շրջագիծին մէջ վերջին հանդիպումն է Նոյեմբերին Վիլնիուսի մէջ տեղի ունենալիք վեհաժողովին նախօրէին:

LEAVE A REPLY

Please enter your comment!
Please enter your name here