ԳՈՆԿՐԷՍԻ ՅՈՒՆԱՍՏԱՆԻ ԱՋԱԿՑՈՒԹԵԱՆ ԽՈՒՄԲԻ ՀԱՄԱՆԱԽԱԳԱՀՆԵՐԸ ԿԸ ՍԱՏԱՐԵՆ ՀԱՅՈՑ ՑԵՂԱՍՊԱՆՈՒԹԵԱՆ ՃԱՆԱՉՄԱՆ ՆՈՐ ԲԱՆԱՁԵՒԻՆ

0
128

 Միացեալ Նահանգներու  Ներկայացուցիչներու Տան  Յունաստանի աջակցութեան  խումբի համանախագահներ Մայքըլ  Պիլիրաքիսը եւ  Գարոլին  Մալոունին  իրենց զօրակցութիւնը  յայտնեցին Հայոց Ցեղսպանութեան արդարութեան եւ  ճշմարտութեան մասին   բանաձեւին՝ ի նշան հայ-յունական  երկարամեայ  համագործակցութեան:

Գոնկրէսականներ Պիլիրաքիսը եւ Մալոունի միացան   «Հայոց Ցեղասպանութեան  ճշմարտութեան եւ  արդարութեան մասին»   բանաձեւը սատարող   գոնկրէսականներ  Էլիոթ  Էնկելին,  Սքոթ  Կարեթին,  Ռաշ  Հոթին,  Սթիվ  Իզրայէլին,  Նիթա Լոուին, Կրէյս  Նափոլիթանոյին,  Տեւին Նիունէսին,  Էլիսոն  Շուարցին, Պրետ Շերմաքին,  Քրիս  Վան  Հոուլենին, Հենրի  Վաքսմանին, Ճոն  Թիէրնինին,  Ճենիս  Չայքովսքիին եւ այլ   ամերիկացի  բարձրաստիճան  պաշտօնատարներու, որոնք  արդէն  իսկ   մեծ ներդրում ունին  արդարութեան հաստատման այս  ազնի աշխատանքին մէջ:

«Հայոց Ցեղասպանութեան եւ արդարութեան մասին»   բանաձեւը  Ներկայացուցիչներու Տան  ներկայացուած է  17  Մայիսին, գոնդրէսականներ՝ Մայքըլ  Կրիմի, Ատամ Շիֆի,  Տէյվիտ  Վալատաոյի եւ  Ֆրենք  Փալոնէի կողմէ: Բանաձեւը կը կրկնէ եւ կը վերահաստատէ Միացեալ Նահանգներու նախապէս ամրագրուած  դիրքորոշումը Հայոց  Ցեղասպանութեան վերաբերեալ, վկայակոչելով   28  Մայիս  1951 թուականի  ամերիկեան կառավարութեան արդարադատութեան՝ միջազգային  ճանաչման ուղղուած եւ ցեղասպանութիւններու կանխարգելման  մասին  խորհուրդը,  22 Ապրիլ  1981-ին նախգահ Ռոնալտ Ռէյկանի ՝  ֆաշիստական  Գերմանիոյ  կողմէ  իրականացած  Հոլոքոստը դատապարտող յայտարարութիւնը եւ 1975, 1984  թուականներուն  Հայոց Ցեղասպանութեան  մասին   Գոնկրէսի   ընդունած օրէնքները:

LEAVE A REPLY

Please enter your comment!
Please enter your name here