ԻՐԱՆ ՊԱՏՐԱՍՏ Է ԲԱՑ ԵՐԿԽՕՍՈՒԹԵԱՆ

0
105

 Իրանի նախագահ Հասան Ռոհանի   պատրաստակամութիւն յայտնեց  միջուկային ծրագրի շուրջ  բանակցութիւններ վարելու Արեւմուտքին հետ:  Նախագահը  ըսաւ, թէ  բանակցութիւններու  յաջողութեան  համար, անհրաժեշտ է, որ Աթոմական Ուժանիւթի Միջազգային Գործակալութիւնը ցուցաբերէ պատասխանատուութիւն .«  Մենք  լիովին  պատրաստ ենք լուրջ    բանակցութիւններու,  համայն աշխարհի, Վեցեակին եւ Աթոմական   Ուժանիւթի  գործակալութեան հետ».  ըսաւ Իրանի նախագահը: Ռոհանի   շեշտեց, թէ  Իրանի  ժողովուրդին իրաւունքն է  սեփական հողի վրայ  ուրանիոմի հարստացման գործընթացը .«  Եթէ  հակառակ կողմը  ունի  լուրջ կամք,  Իրանի միջուկային խնդիրը  կը լուծուի  կարճ  ժամանակամիջոցի մէջ».ըսաւ ան:

Կ’արժէ նշել, որ  Միացեալ Նահանգներ  մեղմացուցած է  Իրանի նկատմամբ կագ մը պատժամիջոցներ, յատկապէս՝  առեւտրական կազմակերպութիւններու եւ ընկերութիւններու պարագային:

Ռոհանի նաեւ անդրադարձաւ Սուրիոյ կացութեան, նշելով թէ  պատերազմի  սպառնալիքը   ջնջուած է, սակայն տակաւին  կարեի չէ բարձրաձայն խօսիլ այդ մասին:

 

LEAVE A REPLY

Please enter your comment!
Please enter your name here