ԱԼԻԵՒ ԱՏՐՊԷՅՃԱՆԻ ՀՈՂԵՐՈՒՆ «ԱԶԱՏԱԳՐՈՒՄ»Ը ԿԸ ԿԱՊԷ ՆԱԽԱԳԱՀ ՍԱՐԳՍԵԱՆԻ ՊԱՇՏՕՆԱՎԱՐՈՒԹԵԱՆ

0
128

Ատրպէյճանի նախագահ Իլհամ Ալիեւ ազերի  գաղթականներուն համար կառուցուած աւան մը այցելելով՝ խոստացած է «Աղտամը ազատագրել եւ զայն վերակառուցել» ու պնդած է, թէ «վայրենիները, մեր ահռելի թշնամիները, Աղտամը ջնջած են աշխարհի երեսէն»՝ քաղաքին քանդումը «չտեսնուած բարբարոսութիւն» որակելով: Ալիեւ վստահեցուցած է, թէ Հայաստանի «բարբարոսութիւնը անպատասխան պիտի չմնայ»՝ խոստանալով վերականգնել երկիրի տարածքային ամբողջականութիւնը, որովհետեւ «մինչ Ատրպէյճանը կը զարգանայ՝ Հայաստանը նահանջ կ՛ապրի, եւ մինչ Ատրպէյճան աստիճանաբար կը զօրանայ՝ Հայաստանը կը տկարանայ:
«Հայաստան արդէն իսկ խոստովանած է, թէ ի վիճակի չէ սեփական ուժերով երաշխաւորելու իր ապահովութիւնը: Կան նաեւ ազգագրական խնդիրներ: Ներկայիս Ատրպէյճանի բնակչութիւնը կը հասնի 9.4 միլիոնի, իսկ Հայաստանի բնակչութեան թիւը կը շարունակէ կրճատուիլ: Հիմա հոն կ՛ապրի նուազ քան 2 միլիոն հոգի: Որքա՛ն երկար գտնուի (նախագահ Սերժ) Սարգսեան իշխանութեան վրայ, այնքա՛ն շուտ պիտի ազատագրուին մեր հողերը, որովհետեւ այդ մարդը եւ անոր շրջապատը Հայաստանը կը տանին դէպի անդունդ», եզրակացուցած է Ալիեւ:

 

LEAVE A REPLY

Please enter your comment!
Please enter your name here