ՄՈՐՍԻԻ ԿՈՂՄՆԱԿԻՑՆԵՐԸ ՆՈՐ ՀԱՒԱՔՆԵՐ ԿԸ ԿԱԶՄԱԿԵՐՊԵՆ

0
105

Եգիպտոսի  նախկին նախագահ  Մոհամմէտ Մորսիի  կողմնակիցները  երկրի  գլխաւոր   քաղաքներուն մէջ  կազմակերպեցին հանրահաւաքներ: «Ռոյթըրզ»  հաղորդեց, թէ  հաւաքներու  ընթացքին  բախումներ տեղի կ’ունենան ոստիկանութեան եւ Մորսիի  կողմնակիցներուն միջեւ: Գահիրէի մէջ հազարաւոր իսլամիստներ բողոքի ցոյց  կազմակերպեցին, պահանջելով Մորսիի ազատ արձակումը:

Իշխանութիւնները  մէկ ամիս պայմանաժամով երկարաձգեցին նախկին նախագահ Մոհամմէտ Մորսիի կալանքին  ժամկէտը:  Մորսի կը  մեղադրուի բռնութիւն հրահրելու, բանտ հրդեհելու, ահաբեկիչներու  հետ կապերու սպանութիւններու եւ առեւանգումներու մէջ: Բանակային ստորաբաժանումները , ոստիկանութիւնը  փակած են   մայրաքաղաքի գլխաւոր   պողոտաները:

LEAVE A REPLY

Please enter your comment!
Please enter your name here