ՍԸԼԷՅՄԱՆ ՔՆՆԱՐԿԵՑ ՔԱՂԱՔԱԿԱՆ, ԱՊԱՀՈՎԱԿԱՆ ՀԱՐՑԵՐ

0
101

Հանրապետութեան նախագահ  Միշէլ Սըլէյման  Պաապտայի  պալատին մէջ ընդունեց ներքին  գործոց նախարարի պաշտօնակատար   Մարուան Շարպէլը եւ  քննարկեց ապահովական հարցեր: Սըլէյման ապա   տնտեսութեան եւ առեւտուրի նախարարի պաշտօնակատար Նիքոլա Նահասի հետ քննարկեց քաղաքական եւ տնտեսական հարցեր: Նախագահ Սըլէյման   ընդունեց պետութեան «Շուրա»յի խորհուրդի  պետ,  դատախազ   Շուքրի  Սատըրը եւ  քննարկեց իրաւական թղթածրարներու վերաբերեալ հարցեր:  Ան նաեւ  ընդունեց ընդհանուր  անվտանգութեան  ընդհանուր տնօրէն, հազարապետ Ապպաս Իպրահիմը եւ այլ անձնաւորութիւններ:

Ներքին գործոց նախարարի  պաշտօնակատար  Մարուան Շարպէլ   մերժեց անձնական ապահովութեան իրավիճակը, որովհետեւ նման երեւոյթ մը  բաժանումի պիտի  ենթարկէ երկիրը:  Նախարարը   դիտել տուաւ, թէ բանակը եւ   ներքին ապահութեան  ուժեր պատրաստ  են լիուլի կատարելու  իրենց պարտականութիւնը:

Հրաժարեալ  վարչապետ Նեժիպ Միքաթի, կառավարութեան կազմութեան վերաբերեալ, դրական մօտեցում ցուցաբերելու կոչ մը ուղղեց  քաղաքական  հոսանքներուն, զգուշացնելով, որ  կացութեան նման ձեւով   շարունակութիւնը տակաւ  պիտի  բարդացնէ իրավիճակը: Այս առիթով ան յայտնեց, թէ   հրաժարեալ կառավարութիւնը սահմանադրականօրէն   չի կրնար  կատարել  օրինական կառավարութեան մը  աշխատանքը: Միքաթի նաեւ  շեշտեց, թէ երկխօսութիւնը   խիստ անհրաժեշտ  հրամայական   մըն է:  Հրաժարեալ վարչապետը   վարչապետարանին մէջ ընդունեց  կենսոլորտի  հրաժարեալ նախարար Նազէմ Խուրին, Լիբանանի  մօտ հարաւային Քորէայի դեսպան Փիոնկ  Կի Քիմը,  Եւրոպական Խորհրդարանի անդամ  Վերոնիք  Տօ  Քայսրը  եւ այլ անձնաւորութիւններ:

LEAVE A REPLY

Please enter your comment!
Please enter your name here