0
115

Ներլիբանանեան    բեմին վրայ, երկրորդ եւ  երրորդ  իշխանութեանց  ներկայացուցիչները՝ Խորհրդարանի նախագահ Նեպիհ Պըրրի,  հրաժարեալ  վարչապետ Նեժիպ Միքաթի  քաղաքական   հոսանքներուն կը  ներկայացնեն ազգային երկխօսութեան իրենց   սեփական պատկերացումը: Հրաժարեալ վարչապետ  Նեժիպ Միքաթի յայտարարեց, թէ  ամբողջացուցած է ազգային  երկխօսութեան  իր  ծրագիրը եւ  մտադրած է յառաջիկայ օրերուն փոխանցել   քաղաքական  հոսանքներուն:  Միքաթի  շեշտեց երկխօսութեան անհրաժեշտութիւնը: Ան միաժամանակ  յայտնեց,  թէ  կը սպասէ  Նեպիհ Պըրրիի  նախաձեռնութեան արդիւնքին:

 Մուսթաքպալ հոսանքի պետ, նախկին  վարչապետ Ֆուատ Սինիորա  անընդունելի նկատեց երկխօսութեան սեղանի վրայ կառավարութեան տարազը  ճշդելու Նեպիհ Պըրրիի առաջարկը, աւեցնելով թէ Պըրրիի  նախաձեռնութիւնը  ժամավաճառութիւն մըն է: Սակայն  խորհրդարանի նախագահ Նեպիհ Պըրրի  բաւական լաւատեսօրէն  յայտնեց, թէ ոմանց ցուցաբերած  վերապահութիւններով հանդերձ, իր    նախաձեռնութիւնը պիտի արժանանայ  մեծամասնութեան հաւանութեան: Այսօրուան դրութեամբ, հանրապետութեան նախագահը  Պըրրիին  փոխանցած է, թէ արգելք մը չի տեսներ նախքան  կառավարութեան կազմութիւնը  երկխօսութեան վերսկսելու անոր նախաձեռնութեան  մէջ:  Նորանշանակ վարչապետ Թամամ Սալամ իր զօրակցութիւնը  յայտնած է   երկխօսութեան նախաձեռնութեան, սակայն   խուսափած է   արտայայտելու իր  վերջնական  պատասխանը:

 Պըրրի  ըսաւ, թէ  կարելի չէ երկիրը դարձնել   քաղաքական  քաշքշուքներու   զոհ: Ան  պահանջեց անմիջապէս սկսիլ երկխօսութեան եւ  միասնաբար լուծում գտնել  տարակարծութեանց կէտերուն:

Նորանշանակ  վարչապետ  Թամամ Սալամ  ողջուեց երկխօսութեան   սեղան վերադառնալու  նախաձեռնութիւնները, սակայն   ան ընդգծեց, թէ կառավարութիւն կազմելու  լիազօրութիւնը  վերապահուած  է իրեն  եւ հանրապետութեան նախագահին:

LEAVE A REPLY

Please enter your comment!
Please enter your name here