ՃՈՆ ՀԵՖԸՐՆ՝ ՊԱՔՈՒԻՆ ՎԱՃԱՌՈՒՈՂ ԶԷՆՔԸ ԿՐՆԱՅ ԱՊԱԿԱՅՈՒՆԱՑՆԵԼ ԼԵՌՆԱՅԻՆ ՂԱՐԱԲԱՂԻ ԻՐԱՎԻՃԱԿԸ

0
115

Հայաստանի մօտ Միացեալ Նահանգներու դեսպան Ճոն  Հեֆըրն  դիտել  տուաւ,  որ անհրաժեշտ է խուսափիլ  զէնքի  գնումներէն՝  որոնք կրնան ապակայունացնել  Լեռնային  Ղարաբաղի իրավիճակը:  Դեսպանը նկատել տուաւ, որ Ռուսիա մեծ թիւով  յարձակողական թնոյթի   զէնք կը  վաճառէ Ատրպէյճանին:  Դեսպանը  շեշտեց, թէ   ռազմական լուծում պիտի  չունենայ Լեռնային Ղարաբաղի հակամարտութիւնը:  Ան  շեշտեց, թէ ԵԱՀԿ-ի  Մինսքի խումբի  բոլոր համանախագահները  կը ձգտին  հակամարտութեան խաղաղ կարգաւորումին:

Դեսպանը    միաժամանակ խօսեցաւ   Հայաստանէն  շարունակուող արտագաղթին մասին: Ան նկատել տուաւ, որ պէտք է  խրախուսուի    հայրենադարձութիւնը, որուն համար նպաստաւոր կարելիութիւններ անհրաժեշտ է ստեղծել   ժողովուրդին: Հեֆըրն նաեւ անդրադարձաւ հայ-թրքական արձանագրութիւններուն եւ ընդգծեց, թէ գնդակը ներկայիս կը գտնուի Թուրքիոյ մօտ: Ան հաւաստեց, թէ   Ուաշինկթըն մնայուն կապի մէջ է Անգարայի հետ  եւ մանրամասն  խորհրդակցութիւններ վարած է արձանագրութեան հետ առնչուող բոլոր   խնդիրներուն շուրջ:

LEAVE A REPLY

Please enter your comment!
Please enter your name here