ԱՍԱՏ՝ ՍՈՒՐԻՈՅ ՊԻՏԻ ԳՈՐԾԱԿՑԻ ՄԱԿ-Ի ՀԵՏԱՔՆՆԻՉՆԵՐՈՒՆ ՀԵՏ

0
139

Ֆոքս Նիւուզ-ին տուած    հարցազրոյցին մէջ,  նախագահ Պաշշար Ասատ կը յայտնէ, թէ Սուրիա  սերտօրէն  պիտի  գործակցի քիմիական զէնքերը  չէզոքացնելու նպատակով  ժամանածղ  ՄԱԿ-ի հետաքննիչներուն հետ:  Ան   դիտել կու տայ, թէ  զէնքերու  չէզոքացումը առնուազն  մէկ տարի  ժամանակ պիտի  խլէ  եւ  արժէ   մօտաւորապէս  մէկ միլիառ տոլարի գումար մը:  Ասատ դարձեալ կ’ընդգծէ, թէ բանակը ոչ մէկ  մեղսակցութիւն ունի  քիմիական զէնքի կիրառման  հետ:  Այլ հարցումի մը պատասխանելով, Սուրիոյ նախագահը  չափազանց  կանուխ կը նկատէ  խօսիլ  2014-ի նախագահական ընտրութիւններուն իր մասնակցութեան մասին:  Անոր կարծիքով, նախագահ  դառնալու  հարցը պիտի որոշէ Սուրիոյ  ժողովուրդը:  Ասատի խօսքերով, Սուրիոյ   բնակչութեան  մեծ մասը, նոյնիսկ անոնք, որոնք  սկիզբը  դէմ էին իշխանութիւններուն, բախելով  ահաբեկչական  եւ կրօնական ծայրայեղականութեան  դրսեւորումներուն, այժմ  կ’աջակցին կառավարութեան:

LEAVE A REPLY

Please enter your comment!
Please enter your name here