ԼԻԲԱՆԱՆԵԱՆ ԿԱՐՃ ԼՈՒՐԵՐ

0
118

– Մուսթաքպալ Հոսանքի անդամ, երեսփոխան Ժան Օղասապեան դիտել տուաւ, թէ  ազգային երկխօսութեան  հիմքը  պիտի  ծառայէ  Պաապտայի Յայտարարութիւնը:  Ան որոշ անյստակութիւններ նկատել տուաւ Նեպիհ Պըրրիի նախաձեռնած   երկխօսութեան մէջ: Օղասապեան  նաեւ   նշեց, թէ   երկխօսութեան   հիմնական  օրակարգը պարտի  ըլլալ  պաշտպանութեան ռազմավարութիւնը:

-Ազէզի մէջ առեւանգուած  լիբանանցիներու թղթածրարով  զբաղելու  լիազօրուած շէյխ Ապպաս Զըղէյպ   թրքական   կառավարութեան վերագրեց առեւանգեալներու ապահովութեան պատասխանատուութիւնը:  Ան  սպառնաց   բողոքի   շարժում մը  ձեռնարկել   Լիբանանի մէջ գտնուող  թրքական հաստատութիւններուն դէմ: Կարգ մը աղբիւրներու համաձայն,  երեք  առեւանգեալներ  ազատ պիտի արձակուին  յառաջիկայ քանի մը  օրերուն ընթացքին:  

– Համաշխարհային Դրամատան  նախատեսութեամբ, լիբանանեան տնտեսութիւնը  2011-էն  2014-ը ինկած   ինկած ժամանակամիջոցին,  պիտի կրէ  7.5  միլիառ  տոլարի  վնաս մը:   Համաշխարհային Դրամատունը սոյն  ուսումնասիրութիւնը կատարած է  լիբանանեան կառավարութեան խնդրանքով :  Տեղեկագիրին նախատեսութեամբ,  մինչեւ  2014-ի աւարտը,  Լիբանան  հաստատուած  սուրիացիներուն   թիւը  պիտի հասնի  1.6   միլիոնի,  որ կը կազմէ    երկրին ընդհանուր  բնակչութեան  37 առ հարիւրը: 

-Լիբանանի համար  ստեղծուած Միջազգային Ատեանի նախագահութիւնը  կառավարութենէն կը պահանջէ  ընթացիկ տարուան ֆինանսաւորման  մասնակցութիւնը, որ կը կազմէ  29.351  միլիոն եուրօ գումար մը:

– Լիբանանեան Ուժեր Կուսակցութեան  գործադիր խորհուրդի պետ Սամիր Ժաաժա  դիտել տուաւ, թէ  երկխօսութեան  սեղանները ոչ մէջ   նորութիւն  պիտի բերեն, այնքան ժամանակ որ Հըզպալլա անդրդուելի կը մնայ իր   կեցուածքներուն վրայ: «Այնքան ժամանակ,որ Հըզպալլա  միջամուխ կը դառնայ Սուրիոյ հակամարտութեան, երկխօսութիւնը անհնար  կը դառնայ Լիբանանի  մէջ». ըսաւ Ժաաժա:

– Մուսթաքպալ  Հոսանքի անդամ, երեսփոխան  Սամիր Ճըսր պահանջեց  դադրեցնել  Թրիփոլիի  պայթումներուն   վերաբերեալ  քաղքշուքները եւ սպասել  հետաքննութեանց արդիւնքին: Ճըսր ողջունեց ազգային երկխօսութեան  Նեպիհ Պըրրիի  նախաձեռնութիւնը,   աւելցնելով թէ պատրաստ   է  քննարկելու  պաշտպանութեան ռազմավարութեան եւ Սուրիոյ հակամարտութեան  միջամուխ դառնալու օրակարգերը:

-Հանրօգուտ  ծառայութեանց  նախարար Ուայէլ Ապու Ֆաուր ընդունեց  Լիբանանի մօտ Միացեալ Նահանգներու  դեսպան Տէյվիտ Հէյլը: Նախարարը դեսպանին հետ քննարկեց սուրիացի  գաղթականներուն  իրավիճակը: Հանդիպումը աւարտելէ ետք, Հէյլ՝ միջազգային  ընտանիքէն պահանջեց  օգնութեան  ձեռք մեկնել Լիբանանին, որովհետեւ Լիբանան  կարելիութիւն  չունի  միայնակ տնօրինելու  գաղթականներուն կարիքները:

– Ներքին  գործոց նախարարի պաշտօնակատար  Մարուան Շարպէլ ընդունեց  Լիբանանի մօտ Ռուսիոյ դեսպան  Ալեքսանտր  Զասփիքինը:  Հանդիպումէն ետք, դեսպանը  յայտարարեց,  Լիբանանի  ապահովական կայունութիւնը պահպանելու միջազգային հովանոցի մը առկայութիւնը:

LEAVE A REPLY

Please enter your comment!
Please enter your name here