ՀՐԱՆՈՅՇ ՅԱԿՈԲԵԱՆ՝ ԹՐՔԱԿԱՆ ԴԱՏԱՐԱՆԸ 1919-ԻՆ ՃԱՆՉՑԱԾ Է ՀԱՅՈՑ ԴԷՄ ԳՈՐԾՈՒԱԾ ՑԵՂԱՍՊԱՆՈՒԹԻՒՆԸ

0
102

Սփիւռքի մէջ հայկական լոպպիստական կազմակերպութիւններու ներկայացուցիչներ այցելեցին Ծիծեռնակաբերդի յուշահամալիր: Անոնք ծաղիկներ զետեղեցին Հայոց Ցեղասպանութեան զոհերուն յիշատակը յաւերժացնող յուշարձանին առջեւ եւ մէկ վայրկեան  լռութեամբ յարգեցին զոհերուն յիշատակը: Հայ լոպպիստները Հայաստան եկած են` մասնակցելու Սփիւռքի նախարարութեան նախաձեռնութեամբ իրականացուող Հայկական խնդիրներու իրազեկման կառոյցներու ներկայացուցիչներու համաժողովին:

Armenpress-ի հետ զրոյցին ՀՀ Սփիւռքի նախարար Հրանոյշ Յակոբեան նշեց, որ Հայոց ցեղասպանութեան հարիւրամեակին ընդառաջ նախարարութիւնը կազմակերպած է “Հայկական աշխարհի մասնագիտական համաժողովներ”` գրողներու, լրագրողներու, իրաւաբաններու, միջազգայնագէտ- քաղաքագէտներու մասնակցութեամբ: “Այսօր էլ մենք հաւաքել ենք հայկական խնդիրների իրազեկման կառոյցների ներկայացուցիչներին, ում հետ մենք քննարկելու եւ համակարգելու ենք առաջիկայ անելիքները Ցեղասպանութեան հարիւրամեակին ընդառաջ, եւ իւրաքանչիւրը պէտք է իր տեղն ու դերն ունենայ այս պայքարում”,- ըսաւ ան:

Հրանոյշ Յակոբեան ընդգծեց, որ աշխարհասփիւռ հայութիւնը կը շարունակէ պայքարը, որպէսզի աշխարհը ճանչնայ, դատապարտէ Հայոց դէմ կազմակերպուած եւ գործադրուած  Ցեղասպանութիւնը եւ զբաղի հետեւանքներու վերացման գործընթացով: “Գլխաւորն այն է, որ Թուրքիան ճանաչի Ցեղասպանութիւնը, եւ մենք շատ ուրախ ենք, որ Թուրքիայում ժողովրդավարացման գործընթացների արդիւնքում շատ մտաւորականներ, հասարակական ակտիւ գործիչներ արդէն ճանաչում եւ դատապարտում են Հայոց ցեղասպանութիւնը”,- ըսաւ ան:

Սփիւռքի նախարարի խօսքով` որքան աշխարհասփիւռ հայութիւնը համախմբուած ըլլայ եւ միասնական պայքար մղէ, այնքան շուտ Թուրքիան կ’ընկրկի: “Կու գայ ժամանակ, որ Թուրքիայի քարոզչամեքենան ու կեղծիքներն այլեւս ուժ չեն ունենայ”,- ըսաւ  Յակոբեան` ընդգծելով, որ հայկական կողմը պէտք է օգտագործէ այն հանգամանքը, որ 1919-ին թրքական դատարանը ճանչցած է Հայոց ցեղասպանութիւնը եւ դատապարտած երիտթուրքերը:

 

 

LEAVE A REPLY

Please enter your comment!
Please enter your name here