ՆԱԽԱԳԱՀ ԱՍԱՏ՝ ՍՈՒՐԻԱ ՊԻՏԻ ԳՈՐԾԱԿՑԻ ՄԻՋԱԶԳԱՅԻՆ ՀԵՏԱՔՆՆԻՉՆԵՐՈՒՆ ՀԵՏ

0
108

Ֆոքս Նիւուզ-ին տուած   հարցազրոյցին մէջ,  նախագահ Պաշշար Ասատ կը յայտնէ, թէ Սուրիա  սերտօրէն  պիտի  գործակցի քիմիական զէնքերը  չէզոքացնելու նպատակով  ժամանած  ՄԱԿ-ի հետաքննիչներուն հետ:  Ան   դիտել կու տայ, թէ  զէնքերու  չէզոքացումը առնուազն  մէկ տարի  ժամանակ պիտի  խլէ եւ  մօտաւորապէս  պիտի  արժէ  մէկ միլիառ տոլարի գումար մը:  Ասատ դարձեալ կ’ընդգծէ, թէ բանակը ոչ մէկ  առնչութիւն ունի  քիմիական զէնքի կիրառման  հետ:  Այլ հարցումի մը պատասխանելով, Սուրիոյ նախագահը  չափազանց  կանուխ կը նկատէ  խօսիլ  2014-ի նախագահական ընտրութիւններուն իր մասնակցութեան մասին:  Անոր կարծիքով, նախագահ  դառնալու  հարցը պիտի որոշէ Սուրիոյ  ժողովուրդը:  Ասատի խօսքերով, Սուրիոյ   բնակչութեան  մեծ մասը, նոյնիսկ անոնք, որոնք  սկիզբը  դէմ էին իշխանութիւններուն, բախելով  ահաբեկչական  եւ կրօնական ծայրայեղականութեան  դրսեւորումներուն, այժմ  կ’աջակցին կառավարութեան:  Ասատ նկատել կու տայ, թէ  ընդդիմութեան   90 առ հարիւրը  Ալ Քայիտայի ահաբեկիչներ են:

Հիւսիսային  Սուրիոյ   քրտական   կուսակցութեան   պետ  Սալեհ Սալիմ   Թուրքիան ամբաստանեց Ալ Քայտայի  զինեալներուն  օգնելու  մեղսակցութեամբ:   Թուրքիա  մերժեց այս ամբաստանութիւնը եւ աւելցուց,թէ  վերջին շրջանին փակած է Սուրիոյ հետ կարգ մը սահմանակէտեր:Նշենք, թէ  Ալ  Քայիտայի  զիներաները  իրենց  հակակշիռին տակ վերցուցած են   հիւսիսային Սուրիոյ որոշ  շրջաններ: Այսպէս կոչուած Սուրիոյ ազատ բանակի  խօսնակ  Լուըի Միքտատ   հաստատեց, թէ Ալ  Քայիտա կասկածելի  ծրագիրներ  կը հետապնդէ: Անոր նպատակն է իշխանութիւնը իր ձեռքերուն մէջ առնել եւ ոչ՝  պայքարիլ վարչակարգին դէմ:

ՆԱԹՕ-ի ընդհանուր քարտուղար Անտերս  Ռասմուսեն դիտել տուաւ, որ հակամարտութեան  լուծումը աւելի արդիւնաւէտ դարձնելու  նպատակով,  զինուորական  ընտրանքը անհրաժեշտ է  բաց  պահել Սուրիոյ դէմ

Այլ գետնի վրայ,  Հոմս քաղաքի  ճանապահին վրայ, քաղաքացիներ փոխադրող օթոպիւս մը  բախեցաւ ծայրայեղականներու կողմէ նախապէս  զետեղուած ականի մը :  Պայթումին հետեւանքով զոհուեցան 19  քաղաքացիներ:

LEAVE A REPLY

Please enter your comment!
Please enter your name here