ՆԱԽԱԳԱՀ ՍԱՐԳՍԵԱՆ ՆԵՐԿԱՅ ԳՏՆՈՒԵՑԱՒ ԱՆՑԱԳՐԵՐՈՒ ԵՒ ԱՆՁՆԱԳՐԵՐՈՒ ՆՈՐ ԿԱՌՈՅՑԻ ԲԱՑՄԱՆ ԱՐԱՐՈՂՈՒԹԵԱՆ

0
105

Հայաստանի նախագահ Սերժ Սարգսեան այսօր մայրաքաղաքի Դաւթաշէն համայնքի մէջ ներկայ գտնուեցաւ  ՀՀ ոստիկանութեան անձնագրերու եւ անցագրերու  վարչութեան նոր կառոյցի բացման արարողութեան։

Նախագահը շրջայց կատարեց  նորաբաց վարչական շէնքէն ներս, ծանօթացած կատարուած աշխատանքին, ստեղծուած աշխատանքային պայմաններուն, այցելեց շարք մը ստորաբաժանումներ, զրուցեց  աշխատակիցներու  հետ,  որոնք ներկայացուցին  իրենց կողմէ՝  քաղաքացիներուն մատուցուելիք  ծառայութիւնները ժամանակակից եղանակով կազմակերպելու արդիական կարելիութիւնները:

Կառոյցի  պաշտօնեաները  հանրապետութեան նախագահին զեկուցեցին  անոր յանձնարարութեամբ՝ ՀՀ քաղաքացիութեան վերաբերեալ դիմումներու քննարկման բարեփոխումներուն մասին:

Նկատի առնելով ՀՀ քաղաքացիութիւն ստանալու վերաբերեալ դիմումներու կտրուկ աճը` 2012 թուականին անհրաժեշտութիւն յառաջացած էր բարեփոխելու ՀՀ քաղաքացիութեան վերաբերեալ դիմումներու ընթացակարգերը եւ ենթակառուցուածքները: Դիմումներու աւելցող հոսքի պարագային, ՀՀ Նախագահի յանձնարարութեամբ, 2012 թուականի Յուլիսէն որոշում կայացաւ  առաւել յստակեցնել ՀՀ քաղաքացիութեան վերաբերեալ դիմումներու քննարկման ընթացակարգերը, ապահովել դիմումներու ընթացքի վերաբերեալ դիմումատուներու իրազեկուածութիւնը:

 

LEAVE A REPLY

Please enter your comment!
Please enter your name here