ՈՍՏԻԿԱՆՈՒԹԻՒՆԸ ՊԱՇԱՐԵՑ ԻՍԼԱՄԻՍՏՆԵՐՈՒ ԳՐԱՒԱԾ ԳԻՒՂԸ

0
103

 Եգիպտոսի պահովական մարմիններու  եւ  ծայրայեղականներու  միջեւ բախումները  սկսած են  տարածուիլ երկրին  գրեթէ բոլոր շրջաններուն  մէջ: Եգիպտոսի անվտանգութեան ուժերը   պաշարեցին  իսլամիստներու  հակակշիռին տակ  անցած Գահիրէի  մօտակայ  Կիզէ շրջանի Կարթասա  գիւղը: Ոստիկանութիւնը մտադրած է   խնդրոյ առարկայ   գիւղը մաքրել  իսլամիստներէն, որոնք  ոստիկանութեան  շէնքը  գրաւելէ ետք, զայն հրկիզեցին ամբողջութեամբ, սպաննելով  տասնմէկ ծառայող:

Գահիրէի մէջ ոստիկանութիւնը    փակեց  ստորգետնեայ  ճեպընթացի  կարգ մը կայաններ՝    պայթուցիկ  նիւթեր   բացայայտելու  հետեւանքով:  Մայրաքաղաքի  մէկէ աւելի  արուարձաններու  մէջ  բախումներ տեղի կ’ունենան Մորսիի   կողմնակիցներուն եւ ոստիկանութեան  միջեւ: Վերջին ժամերուն անոնք  սպաննեցին ոստիկան մը:

Միւս  կողմէ, Եգիպտոսի կառավարութիւնը կէս գիշերէն  մինչեւ առաւօտեան  ժամը  վեցը կրճատեց, նախապէս՝  գիշերուան ժամը տասնմէկէն  սահմանուած  ստիպողական  դրութեան ժամերը:

Տնտեսական  գետնի վրայ, Եգիպտոսի  արտաքին եւ  ներքին պարտքը  հասած է  243  միլիառ ամերիկեան տոլարի սահմանը:

LEAVE A REPLY

Please enter your comment!
Please enter your name here