ԼԻԲԱՆԱՆԵԱՆ ԿԱՐՃ ԼՈՒՐԵՐ

0
103

– Տնտեսութեան նախկին նախարար Ատնան Քասար խստօրէն դատապարտեց  նոր կառավարութեան կազմութիւնը  ուշացնելու  քաղաքական կուսակցութիւններու ընթացքը, զայն նկատելով հայրենիքի  դէմ ոճիր:

-Ազէզի մէջ առեւանգուած  լիբանանցիներու հարազատները բողոքի հաւաք կատարեցին թրքական  օդանաւային ընկերութեան կեդրոնական գրասենեակին եւ թրքական մշակութային տան առջեւ, պահանջելով առեւանգեալներուն ազատ արձակումը:

-Լիբանանի Կեդրոնական Դրամատան  ընդհանուր կառավարիչ   Ռիատ Սալամէ փարատելով  երկրին տնտեսական մարզին  մտահոգութիւնները, յայտարարեց թէ ազգային դրամանիշին  վիճակը  կայուն է եւ  դրամատունը  ապահոված է  պետական պաշտօնէութեան աշխատավարձերը:

-Լիբանանի մօտ Սէուտական Արաբիոյ դեսպան  Ալի Օսէյրի զարմանք  յայտնեց, թէ   լիբանանեան լրատուական որոշ  աղբիւրներ իր երկրին անունը կը  շահագործեն նոր կառավարութեան կազմութեան առիթով:  Ան  հաւաստեց, թէ  Սէուտական Արաբիոյ   քաղաքականութիւնը կը մնայ անփոփոխ՝   միջամուխ  չդառնալ այլ պետութիւններու ներքին գործերուն:

– Հրաժարեալ վարչապետ  Նեժիպ Միքաթի   վարչապետարանին մէջ ընդունեց  Լիբանանի մօտ Հոլանտայի  դեսպան Ասթէր Սոմսընը  եւ  լիբանանեան բանակի շտապի պետ հազարապետ Ուալիտ  Սալմանը:

 

LEAVE A REPLY

Please enter your comment!
Please enter your name here