ՀԱՅԱՍՏԱՆԻ ԱՆԿԱԽՈՒԹԵԱՆ ՏԱՐԵԴԱՐՁԻՆ ԱՌԹԻՒ ԸՆԴՈՒՆԵԼՈՒԹԻՒՆ ՝ ԴԵՍՊԱՆԱՏԱՆ ՄԷՋ

0
99

 Ուրբաթ  երեկոյեան, Լիբանանի մօտ Հայաստանի  դեսպանատան  մէջ  ընդունելութիւն մը տեղի ունեցաւ ՝ ի պատիւ  Հայաստանի անկախութեան  22-րդ  տարեդարձին:  Ընդունելութեան  ներկայ  գտնուեցան օտար պետութիւններու  դեսպաններ, դիւանագիտական   շրջանակներու ծառայողներ,  լիբանանեան  խորհրդարանի,  կառավարութեան, բանակի, լիբանանանահայ համայնքի  ներկայացուցիչներ :

Լիբանանի եւ  Հայաստանի  քայլերգներու  ունկնդրութենէն  ետք,  Լիբանանի մօտ Հայաստանի  դեսպան, տիար Աշոտ Քոչարեան  հայերէն, արաբերէն եւ  անգլերէն լեզուներով բարի  գալուստ մաղթեց   ներկաներուն եւ  անդարադարձաւ  անկախ  Հայաստանի նուաճումներուն, հեռանկարներուն:  Դեսպան  Քոչարեան  արժեւորեց  Լիբանան-Հայաստան փոխյարաբերութիւնները, նշելով, որ  Լիբանանեան  խորհրդարանը առաջինն էր,  համայն արաբական աշխարհի մէջ, որ ճանցչաւ  Հայոց Ցեղասպանութիւնը: Ան  նշեց, թէ զոյգ պետութիւններուն առջեւ   գործակցութիւնը  սերտացնելու լուրջ հեռանկարներ ստեղծուած են, շնորհիւ  երկու պետութեանց  նախագահներուն կատարած փոխադարձ այցելութիւններուն:  Իր խօսքի աւարտին, դեսպան  Քոչարեան   խաղաղութիւն մաղթեց Լիբանանին եւ  շնորհաւորական  բարեմաղթութիւններ յղեց   համայն    հայ ժողովուրդին՝  Հայաստանի անկախութեան  22-րդ  տարեդարձին առթիւ:

 

LEAVE A REPLY

Please enter your comment!
Please enter your name here