ՀԻՆԳ ՀԱՅԵՐ ՄԱՍ ՊԻՏԻ ԿԱԶՄԵՆ ՔՐՏԱԿԱՆ ՆՈՐ ԽՈՐՀՐԴԱՐԱՆԻՆ

0
137

Հիւսիսային Իրաքի քրտական ինքնավար մարզին մէջ (Քիւրտիստան)  21 Սեպտեմբերին կայանալիք խորհրդարանական ընտրութիւններուն աթոռ պիտի յատկացուի նաեւ շրջանի ազգային ու կրօնական փոքրամասնութիւններուն. այս մասին կը հաղորդէ «Սիվիլնեթ»ը՝ վկայակոչելով թրքական «Զաման» թերթը:
111 անդամ ունեցող խորհրդարանին մէջ թուրքմէններուն, հայերուն եւ մնացեալ քրիստոնեայ ժողովուրդներուն պիտի տրամադրուի 5ական տեղ: Այսպիսով՝ 111 անդամ ունեցող քրտական խորհրդարանի անդամներէն 15-ը պիտի ըլլան փոքրամասնութիւններու ներկայացուցիչներ: Նախապէս քրտական խորհրդարանին մէջ թուրքմէններուն եւ քրիստոնեաներուն (հայերը ընդգրկուած չէին) յատկացուած էր 5-ական աթոռ, եւ իբրեւ հետեւանք՝ հայերը միայն մէկ աթոռ ունէին: 2009-ի խորհրդարանական ընտրութիւններուն պատգամաւոր ընտրուած էր Արմէն Շահին Տաւուտ Բակոյեանը, որ Քիւրտիստանի նախագահ Մասուուտ Պարզանիի Քիւրտիստանի Ժողովրդական կուսակցութեան անդամ է: Հիւսիսային Իրաքի քրտական ինքնավարութեան տարածքին վրայ կ՛ապրին մօտաւորապէս երկու հազար հայեր, որոնց մէկ մասը քրտախօս է: Այս տարածքին վրայ կան նաեւ հայկական եկեղեցիներ:

LEAVE A REPLY

Please enter your comment!
Please enter your name here