ՍՈՒՐԻԱ ՍԿԶԲՈՒՆՔՈՎ ՇԱԲԱԹ ՕՐ ՊԻՏԻ ՓՈԽԱՆՑԷ ՔԻՄԻԱԿԱՆ ԶԷՆՔԵՐՈՒ ՑՈՒՑԱԿԸ

0
129

Սկզբունքով Շաբաթ օր,  սուրիական իշխանութիւնները  ՄԱԿ-ի հետաքննիչներուն պիտի  յանձնեն  քիմիական  զէնքերու ցուցակը: ՄԱԿ-ի մօտ Ռուսիոյ  դեսպան  Վիթալի  Չուրքին  յայտարարեց, թէ  Սուրիոյ քիմիական զէնքերուն  վերաբերեալ  խորհրդակցութիւնները  կ’ընթանան նախատեսուած ուղիով:

 ՄԱԿ-ի կից մարդասիրական օժանդակութեան պաշտօնակատար  Վալերի Ամոս  յայտնեց, թէ  Իրանի   ճանապարհով  մարդասիրական  օժանդակութիւն կը բաշխուի  Սուրիոյ ժողովուրդին:  Ան նաեւ  աւելցուց, թէ  Իրան կը հետեւիյ ՄԱԿ-ի պաշտօնակատարներուն անվտանգութեան:

Ֆրանսայի  նախագահ Ֆրանսուա Հոլանտ  ըսաւ, թէ  իր երկիրը  պիտի զինէ այսպէս  կոչուած Սուրիոյ ազատ բանակը: Միւս կողմէ,   Սուրիոյ  ընդդիմութիւնը  հրապարակեց հաղորդագրութիւն մը, որուն մէջ կը նշէ, թէ Ալ Քայիտայի արարքները  կը հակասեն   յեղափոխութեան սկզբունքներուն:

Ժընեւի մէջ, Եկեղեցիներու Համաշխարհային Խորհուրդի  նախաձեռնութեամբ  խորհրդակցութիւն մը տեղի ունեցաւ Միացեալ Նահանգներու, Ռուսիոյ, Ֆրանսայի, Գերմանիոյ, Անգլիոյ, Սուրիոյ, Իրաքի  եւ   Հայ եկեղեցւոյ  ներկայացուցիչներու մասնակցութեամբ:  Հանդիպման մասնակիցները  եկեղեցիներու առաջնորդներուն դիմեցին,    միջնորդելու՝  պետութիւններու   ղակավարներու մօտ, Սուրիոյ մէջ խաղաղութիւն հաստատելու  ջանքեր գործադրելու նպատակով:

LEAVE A REPLY

Please enter your comment!
Please enter your name here