ՄԱՐԶԱԿԱՆ՝ ԱԹԼԵԹԻՔՕ ՄԱՏՐԻՏ ՊԱՐՉԵԼՈՆԱ, ՊԱՅԵՐՆ ԱՐՁԱՆԱԳՐԵՑԻՆ ՆՈՐ ՅԱՂԹԱՆԱԿ

0
141

 

Երէկ Շաբաթ, եւրոպական  տարբեր  ոստաններու մէջ   տեղի ունեցան  ազգային ախոյեանութիւններու  հերթական  մրցումները: Ժոզէ Մուրինոյի Չելսին՝  2-0 արդիւնքով պարտութեան մատնեց  Ֆուլամը:  Օսքար եւ  Օպի Միքէլ նշանակեցին  «Կապոյտներ»ուն կոլերը:  Չելսի՝ 10  կէտով   հաւասարեցաւ  Լիվըրփուլին:  Վերջինս,  սեփական  դաշտին մէջ  1-0 արդիւնքով  անակնկալ պարտութիւն մը կրեց  Սաութեմթընէն:  Լիվըրփուլ քաղաքի  երկրորդ խումբը՝  Էվըրթըն  3-2 արդիւնքով պարտութեան մատնեց Ուեսթ Համ  Եունայթըտը, այս  վերջնոյն  դաշտին մէջ:  Լէյթըն Պէյնս (2) եւ Ռոմելու  Լուքաքու  նշանակեցին «Տը Թոֆիզ»ներուն  կոլերը:    Ուեսթ Պրոմուիչ Ալպիոն՝ 3-0 արդիւնքով յաղթեց Սանտերլանտին:

Սպանիոյ  ֆութպոլի ախոյեանութեան  5-րդ  հանգրուանի  մրցումներուն Աթլեթիքօ Մատրիտ  2-0 արդիւնքով պարտութեան  մատնեց Վալատոլիտը: Մատրիտցիներու կոլերը նշանակեցին Ռաուլ Կարսիան եւ Տիէկօ Քոսթան:  Այսպիսով,  Տիէկօ Սիմոնէի   խումբը տարաւ  5-րդ անընդմէջ յաղթանակը՝ 15 կէտով   հաւասարելով Պարչելոնային: Վերջինս՝  Փետրօ  Ռոտրիկէզի ( 3)  եւ  Սեսք Ֆապրեկասի   կոլերուն շնորհիւ՝  4-0 արդիւնքով պարտութեան մատնեց  Ռայօ Վալեքանօն:   Ռէալ Սոսիետատ –  Մալակա ճակատումը  վերջ գտաւ՝0-0  հաւասարութեամբ:

Գերմանիոյ ախոյեանութեան  6-րդ հանգրուանի մրգումներուն, Պայերն Միւնիխ՝  4-0 արդիւնքով պարտութեան  մատնեց  Շալքէ 04-ին  եւ  16 կէտով հաւասարեցաւ  Պորուսիա Տորթմունտին:  Շուայնշթայկըր,   Մանչուկիչ, Ռիպերի եւ Փիզարօ նշանակեցին  պաւարիական կազմին կոլերը:  Պորուսիա Տորթմունտ, մրցակիցի դաշտի մէջ  1-1 արդիւնքով   հաւասարութիւն մը արձանագրեց  Նիւրենպերկի   դէմ:  Մարսէլ   Շմելցէր նշանակեց  Տորթմունտի կոլը:

Պայեր Լեվերքուզեն  4-1 արդիւնքով պարտութեան  մատնեց  Մայնցը:  Քրուզէ (2), Պենտէր եւ  Քիսլինկ նշանակեցին  Լեվերքուզենի կոլերը: Համպուրկ  պաշտօնէն արձակեց  մարզիչ  Թորսթէն  Ֆինքը: Յառաջիկայ  քանի մը   ժամերուն,  Հոլանտայի հաւաքականի նախկին մարզիչ Պերթ Վան  Մարվէյկ պաշտօնապէս պիտի   նշանակուի  Համպուրկի մարզիչ:

Ֆրանսայի  ախոյեանութեան   6-րդ հանգրունի մրցումներուն, Մարսէյ՝  սեփական  դաշտին մէջ  0-0 արդիւնքով   հաւասարութիւն մը արձանագրեց Պասթիայի դէմ:  Մարսէյ  հաւաքած է  11 կէտ:     Լիլի կազմը, 2-0 արդիւնքով պարտութեան մատնեց Սոշօն:  Մրցումին երկու կոլերը նշանակեց  Ֆրանսայի  հաւաքականի յարձակող  Նոլան  Ռուն:

Իտալիոյ  ախոյեանութեան   չորրորդ հանգրուանի մրցումներուն,  Գիեւօ՝  2-1 արդիւնքով  պարտութեան մատնեց Ուտինեզին:  Գալիարի  եւ  Սամփտորիա  ճակատումը  վերջ  գտաւ՝ 2-0  հաւասարութեամբ:

Հայաստանի  ֆութպոլի ախոյեանութեան 6-րդ հանգրուանի մրցումներուն,  Երեւանի Արարատը հինգ անպատասխան գնդակ  զետեղեց  Ալաշկերտի բերդին մէջ: Արարատցիները  11  կէտով կը  գրաւեն ընդհանուր դասաւորման  երկրորդ  դիրքը: Յառաջատար Փիւնիկը հաւաքած է 12 կէտ:  Վերջինս, 2-0 արդիւնքով պարտութեան  մատնեց Շիրակը:

 ՉԻՍՕՐԱ ՆՈՒԱՃԵՑ ԵՒՐՈՊԱՅԻ  ԱԽՈՅԵԱՆԻ ՏԻՏՂՈՍԸ

 Բրիտանացի  գերծանր կարգի բռնցքամարտիկ Տերէք  Չիսորա  շահեցաւ  EBU  վարկածի   Եւրոպայի   ախոյեանի   տիտղոսը:

Լոնտոնի մէջ կայացած   մրցումին,  Չիսորա պարտութեան մատնեց գերմանացի  Էտմոնտ  Կերպէրը:  Մրցումի առաջին իսկ  վայրկեանէն, առաւելութիւնը Չիսորայի հետ էր:  Իրաւարարը  5-րդ  ռաունտին կասեցուց մենամարտը՝  Կերպէր ի վիճակի չէր շարունակելու պայքարը:

ԱՐԹՈՒՐ ԱԼԵՔՍԱՆԵԱՆ՝  ԱՐԾԱԹԷ ՄԵՏԱԼԱԿԻՐ

 Հունգարիոյ մայրաքաղաք  Պուտափեշտի մէջ կայացող յունահռոմէական  ոճի ըմբշամարտի  աշխարհի ախոյեանութեան  մրցումներուն,  Հայաստանը ներկայացնող Արթուր Ալեքսանեան դարձաւ արծաթէ  մետալակիր:

Արդարեւ,  96  քիլոկրամ ծանրութեան կարգի  եզրափակիչ մրցումին, Եւրոպայի   գործող ախոյեան Ալեքսանեանը  իր տիտղոսը  զիջեցաւ  ռւոս Քիրիլ  Մելնիքովին:

 ԷԼԻՆԱ ԴԱՆԻԷԼԵԱՆ   ՄԻԱՒՈՐ ԿԸ ԿՈՐՍՆՑՆԷ

Ուզպեքստանի  մայրաքաղաք Թաշկենթի մէջ կայացող  աղջկանց   ճատրակի  միջազգային Կրան Փրիի  չորրորդ հանգրուանին  Հայաստան’ը ներկայացնող  Էլինա Դանիէլեան  ճերմակ  քարերով հաւասարութիւն մը արձանագրեց  պուլկարացի  Անթոնեթա Սթեֆանովայի հետ:  Չորրորդ  հանգրուանէն  ետք Դանիէլեան հաւաքած  է մէկ միաւոր: Մրցաշարքը պիտի աւարտի 30 Սեպտեմբերին:

 ԵՐԵՔՇԱԲԹԻ  ԵՐԵԿՈՅԵԱՆ ՏԵՂԻ ՈՒՆԵՆԱԼԻՔ  ՄՐՑՈՒՆԵՐ

ԱՆԳԼԻԱ

ԼԻԿԱՅԻ ԲԱԺԱԿ –  3ՐԴ  ՀԱՆԳՐՈՒԱՆ

Ասթոն Վիլա –  Թոթենհամ

Պըրնլի –  Նոթինկհամ Ֆորեսթ

 Հոլ Սիթի – Հատըրսֆիլտ Թաուն

 Լեսթըր Սիթի –  Տըրպի Գաունթի

Մաչեսթըր Սիթի – Ուիկան

 Սաութեմթըն –  Պրիսթոլ Սիթի

 Սանտերլանտ – Փիթիրպորօ

  Սուիտնըն  Թաուն –  Չելս

 Ուաթֆորտ – Նորուիչ Սիթի

 Ուեսթ Համ Եունյթըտ –  Գարտիֆ Սիթի

 Ֆուլամ –  Էվըրթըն

Վերոյիշեալ մրցումները պիտի սկսին Պէյրութի  ժամով՝ 21.45-ին

ՍՊԱՆԻԱ

 Պարչելոնա –  Ռէալ Սոսիետատ  ժամը 21.00

Աթլեթիքօ Մատրիտ – Օսասունա  ժամը՝  23.00

ԻՏԱԼԻԱ

 Ուտինեզէ – Ճենովա ժամը՝  21.45

ՖՐԱՆՍԱ

 Լիլ –  Էվիան ժամը՝  20.00

 Մարսէյ –  Սէն Թեթիէն ժամը՝  22.00

LEAVE A REPLY

Please enter your comment!
Please enter your name here