ՃՈՄՊԼԱԹ՝ ԳՐԱՒ ՉԴՆԵԼ ՆԵՐՔԻՆ ՀԱՒԱՍԱՐԱԿՇՌՈՒԹԻՒՆՆԵՐՈՒ ՓՈՓՈԽՈՒԹԵԱՆ ՎՐԱՅ

0
110

Ընկերվար Յառաջդիմական Կուսակցութեան պետ Ուալիտ Ճոմպլաթ  ողջունեց  հարաւային արուարձաններու մէջ  ապահովական ծրագիրին գործադրութիւնը, զայն նկատելով  նոր ապացոյց մը՝ թէ  ոչինչ կրնայ փոխարինել  պետութիւնը: Ճոմպլաթ  զգացնել տուաւ  քաղաքական որոշ մթնոլորտի մը անհրաժեշտութիւնը, պահանջելով  հրաժարիլ   քաղաքական պոյքոթներէն: Ան  պահանջեց հանդարտեցնել   փբոխադարձ  ամբաստանութիւններու  քաղաքական եւ  քարոզչական մագլցողական  ոճը:

Ճոմպլաթ  շրջանային զարգացումները  լաւ կարդալու  կոչ ուղղեց քաղաքական հոսանքներուն, մաղթելով  ցուցաբերել   գիտակցութիւն, միաժամանակ  ապացուցելու, թէ լիբանանցիները հասած են  հասունութեան .«Եւ այս մէկը  կարելի է  իրագործել, անմիջապէս հրաժարելով  սակարկութիւններէն եւ   նպաստելու նոր կառավարութիւն կազմելու աշխատանքներուն». ըսաւ ան:

 Ընկերվար Կուսակցութեան պետը   քաղաքական կարգ մը կողմերու  թելադրեց խուսափիլ սխալ հաշիւներէն ու  ենթադրութիւններէն, ինչպէս նաեւ գրաւ  չդնել  ներքին հաւասարակշռութիւններու  փոփոխութեանց վրայ:

LEAVE A REPLY

Please enter your comment!
Please enter your name here