Մայր Աթոռ Սուրբ Էջմիածնի մէջ իր աշխատանքը սկսաւ Հայաստանեայց Առաքելական Ս. Եկեղեցւոյ Եպիսկոպոսաց ժողովը

0
112

Սեպտեմբերի 24-ին Մայր Աթոռ Սուրբ Էջմիածնի մէջ, նախագահությամբ Ն.Ս.Օ.Տ.Տ. Գարեգին Բ Ծայրագոյն Պատրիարք և Ամենայն Հայոց Կաթողիկոսի և Ն.Ս.Օ.Տ.Տ. Արամ Ա Մեծի Տանն Կիլիկիոյ Կաթողիկոսի, սկսաւ Հայաստանեայց Առաքելական Ս. Եկեղեցւոյ Եպիսկոպոսաց ժողովը` մասնակցութեամբ Ամենայն Հայոց Կաթողիկոսութեան և Մեծի Տանն Կիլիկիոյ Կաթողիկոսութեան եպիսկոպոսաց դասի: Այս առիթով Մայր Աթոռ Ս. Էջմիածին ժամանած էին Հայ Եկեղեցւոյ 75 արքեպիսկոպոսներէն ու եպիսկոպոսներէն 62-ը:

Ժողովի բացման արարողութեան ներկայ էր Հայաստանի Հանրապետության նախագահ տիար Սերժ Սարգսեանը:

Ժողովը սկսաւ միասնական Տէրունական աղօթքով: Ապա ժողովականներն աղօթք բարձրացուցին առ Աստուած հոգելոյս Տ. Շահան արքեպիսկոպոս Սվաճեանի, Տ. Արտաւազդ արքեպիսկոպոս Թրթռեանի և Հայ եկեղեցւոյ բոլոր հանգուցեալ սպասաւորներու հոգիներու հանգստութեան համար: Այնուհետև ներկաները ողջունեց Գարեգին Բ. Ամենայն Հայոց Կաթողիկոսը և հրաւիրեց տիար Սերժ Սարգսեանը` իր ողջոյնի խօսքն ուղղելու Եպիսկոպոսաց ժողովի մասնակիցներուն:

ՀՀ նախագահի ուղերձէն ետք ժողովականներուն եպիսկոպոսաց ժողովի առիթով դիմեցին Նորին Սրբութիւն Գարեգին Բ. Ամենայն Հայոց Կաթողիկոսը, Նորին Սրբութիւն Արամ Ա. Մեծի Տանն Կիլիկիոյ Կաթողիկոսը և Կոստանդնուպոլսոյ Հայոց Պատրիարքական Փոխանորդ Տ. Արամ արքեպիսկոպոս Աթէշեանը:

 

LEAVE A REPLY

Please enter your comment!
Please enter your name here