ՆԱԽԱԳԱՀՆԵՐ ՕՊԱՄԱ ԵՒ ՍԸԼԷՅՄԱՆ ՇԵՇՏԵՑԻՆ ԼԻԲԱՆԱՆԻ ԿԱՅՈՒՆՈՒԹԻՒՆԸ ՊԱՀՊԱՆԵԼՈՒ ԱՆՀՐԱԺԵՇՏՈՒԹԻՒՆԸ

0
234

 Նիւ Եորքի   մէջ,  193  պետութիւններու  մասնակցութեամբ  տեղի ունեցաւ ՄԱԿ-ի  68-րդ  ընդհանուր նստաշրջանին պաշտօնական  բացումը:  Այս  առիթով արտասանած իր խօսքին մէջ, ՄԱԿ-ի ընդհանուր քարտուղար Պան Քի Մուն  աշխարհի պետութիւններէն  պահանջեց դադրեցնել  Սուրիոյ արիւնահոսութիւնը  եւ   վերջ տալ զէնքի մատակարարումին: Ան  նկատել տուաւ, որ  Սուրիոյ   հակամարտութիւնը  մինչեւ օրս  խլած է  աւելի քան  հարիւր  հազար մարդոց կեանքը եւ պատճառ դարձած է միլիոնաւոր  մարդոց  արտագաղթին,  ստեղծելով   մարդկային, ընկերային եւ  տնտեսական   ողբերգութիւններ:  Այս առիթով, Պան Քի Մուն  Սուրիոյ կառավարութենէն պահանջեց  դիւրացնել  քիմիական զէնքերը   չէզոքացնելու նպատակով Սուրիոյ  ժամանելիք   հետաքննիչներուն  աշխատանքը:  Պան Քի  Մուն նաեւ խօսեցաւ  մարդկային իրաւունքներու  պաշտպանութեան   հարցերու շուրջ,  յատկապէս   կեդրոնանալով կանանց իրաւունքներու պաշտպանութեան, ընկերային  արդարութեան եւ այլ հրատապութիւն  ներկայացնող հարցերու մասին:

Պան  Քի Մունէն  ետք խօսք առաւ  Միացեալ Նահանգներու նախագահ  Պարաք  Օպամա: Ան  յայտնեց, թէ  Միացեալ  Նահանգներ   յանձնառու պիտի  մնայ պաղեստինցի   ժողովուրդին սեփական պետութեան մէջ ապրելու  ընտրանքին:  

ԼԻբանանի   նախագահ  Միշէլ Սըլէյման մասնակցեցաւ  ՄԱԿ-ի  68-րդ  ընդհանուր  խորհրդաժողովներուն բացման արարողութեան:  Սըլէյման    հանդիպում  մը  ունեցաւ Համաշխարհային Դրամատան  նախագահ  Ճիմ Եոնկ  Քիմի:  Աւելի ուշ  հանդիպեցաւ    Յորդանանի Ապտալլա Բ վեհապետին եւ  Միացեալ  Նահանգներու նախագահ  Պարաք  Օպամայի   հետ:  Նախագահ  Պարաք  Օպամա  դատապարտեց  Հըզպալլայի  միջամշտութիւնը  Սուրիոյ հակամարտութեան եւ   վեր առաւ  Լիբանանը Սուրիոյ հակամարտութենէն  հեռու պահելու նախագահ  Միշէլ Սըլէյմանի  ճիգերը:  Իր կարգին, նախագահ Սըլէյման,  միջազգային ընտանիքին    դիմեց՝ որպէսզի  օգնութեան   ձեռք մեկնէ Լիբանանին, անոր  կայունութիւնը պահպանելու  եւ  սուրիացի    գաղթականներուն  անհրաժեշտ   օգնութիւնը   հայթայթելու  մտահոգութեամբ:   

 Նշենք, թէ նախագահ  Միշէլ Սըլէյման  Չորեքշաբթի երեկոյեան,  Նիւ Եորքէն անմիջապէս պիտի   մեկնի Սէուտական Արաբիա:

LEAVE A REPLY

Please enter your comment!
Please enter your name here