ՊԱՆ ՔԻ ՄՈՒՆ ԵՒ ՌԱՍՄՈՒՍԵՆ ՔԱՂԱՔԱԿԱՆ ԼՈՒԾՈՒՄ ԿԸ ՏԵՍՆԵՆ ՍՈՒՐԻՈՅ ՀԱԿԱՄԱՐՏՈՒԹԵԱՆ

0
123

ՄԱԿ-ի եւ ՆԱԹՕ-ի  ընդհանուր քարտուղարներ  Պան Քի Մուն եւ   Անտերս  Ֆոկ Ռասմուսեն, Նիւ Եորքի մէջ  քննարկեցին  Սուրիոյ քիմիական զէնքին  հետ կապուած իրադրութիւնը:  Երկու պաշտօնատարները  այն համոզումը  յայտնեցին, թէ  միայն  քաղաքական կարգաւորումով   կարելի պիտի ըլլայ լուծել հակամարտութիւնը:

Սուրիոյ հարցով ՄԱԿ-ի  եւ Արաբական Լիկայի   պատուիրակ  Լախտար Իպրահիմի յայտարարեց, թէ  Սուրիոյ  հակամարտութեան  լուծումը կը գտնուի  ճիշդ  ճանապարհի վրայ:  Իպրահիմի  հերքեց  Լիբանանի հաշւոյն լուծում մը: Ռուսիոյ փոխարտաքին գործոց նախարար Սերկէյ  Ռիպաքով   նշեց, թէ Սուրիոյ  հակամարտութեան  վերաբերեալ Ապահովութեան Խորհուրդին ներկայացնելիք Ֆրանսայի նախագիծը կրնայ ընդգրկել    ՄԱԿ-ի  7-րդ Ուխտին դիմելու  հակնարկ   մը, սակայն անիկա   պիտի  չունենայ   պարտադիր  բնոյթ:  Ռուս  դիւանագէտը նշեց, թէ ՄԱԿ-ի   հետաքննիչները այսօր պիտի  վերադառնան  Դամասկոս, շարունակելու իրենց աշխատանքը:

Ֆրանսայի առեւտուրի նախարարութիւնը արտօնեց  երկրին դրամատուներուն մէջ սառած  սուրիական դրամը  օգտագործել  մարդասիրական նպատակներու  համար:

Ռազմական գետնի վրայ,  սուրիական  բանակը  յաջողութիւններ արձանագրեց   Դամասկոսի Պըրժէ,  Պլուտան թաղամասերու   մօտակայ  շրջաններու  մէջ: Յորդանան  ձերբակալեց  հինգ քաղաքացիներ, որոնք  կը փորձէին Սուրիա անցնելով   միանալ Ալ Քայիտային:   Դամասկոսի Թատամոն շրջանին մէջ   պայթեցաւ ականուած  ինքնաշարժ  մը:

LEAVE A REPLY

Please enter your comment!
Please enter your name here