ՔԵՆԻՈՅ ԲԱՆԱԿԸ ՎԵՐՋ ԴՐԱՒ ՈՒԵՍԹԿԷՅԹԻ ԽՈՒԺՈՒՄԻՆ

0
115

Քենիոյ  ներքին գործոց  նախարար Ժոզէֆ  Օլի  Լենքօ յայտարարեց, թէ բանակը  վերջնականապէս իր հակակշիռին տակ  վերցուցած է  մայրաքաղաք Նայրոպիի  «Ուեսթկէյթ» առեւտրական կեդրոնը:  Յարձակողները այլեւս   չեն դիմադրեր  եւ անձնատուր կը  դառնան  բանակին:  Ահաբեկիչները  պատանդ  վերցուցած  էին  կեդրոնին յաճախորդներ: Բախումներուն ընթացքին  մահացան  68  քաղաքացիներ: Վիրաւորներուն  թիւը  անցաւ   երկու հարիւրը: Նախարարը նշեց, թէ ահաբեկիչները տարբեր երկրիներէ    թափանցած էին  Նայրոպի, անոնց մէջ  յայտնուած են ազգութեամբ ամերիկացիներ եւ  բրիտանացիներ: Նախարարը    աւելցուց, թէ ահաբեկիչները տղամարդիկ են, սակայն անոնցմէ շատեր  կանացի հագուստներով  մուտք  գործած են  առեւտրական կեդրոնը:  Նշենք, թէ   Ալ  Շապապ  ծայրայեղական  կազմակերպութիւնը ստանձնեց  ահաբեկչական գործունէութեան պատասխանատուութիւնը:  Սպաննուած ահաբեկիչներուն թիւը  բարձրացաւ  15-ի:

LEAVE A REPLY

Please enter your comment!
Please enter your name here