ԻՍՐԱՅԷԼ ԴԺԳՈՀ՝ ԹԵՀՐԱՆ – ՈՒԱՇԻՆԿԹԸՆ ՍԱՌՑԱՀԱԼԻ ՓՈՐՁԵՐԷՆ

0
122

Իսրայէլի  վարչապետ Պենիամին Նեթանիահու  խիստ  զայրացած է   Թեհրան – Ուաշինկթըն  մերձեցումի  փորձերէն: Ան  ՝ երկերեսանի եւ  ցինիկ  կոչեց   ՄԱԿ-ի  68-րդ ընդհանուր  նստաշրջանին  Իրանի նախագահ Հասան Ռոհանիի արտասանած խօսքը:  Նեթանիահուի  կարծիքով,  Թեհրան կը փորձէ ժամանակ  շահիլ, որպէսզի իրականացնէ  միջուկային զէնք ստեղծելու իր  ծրագիրը:  Ռոհանի,  ՄԱԿ-ի ամպիոնէն  յայտարարեց, թէ բացառապէս խաղաղ  նպատակներ  կը  հետապնդէ եւ  միջուկային զէնքը  գոյութիւն չունի  Իրանի  միջուկային վարդապետութեան մէջ:  Իրանի նախագահին խօսքերով՝  երկիրը պատրաստ է անմիջական  բանակցութիւններ վարելու  այդ  թղթածրարին շուրջ:

Միւս կողմէ,  Սի.Էն.Էն-էն սփռուած  հարցազրոյցի մը  ընթացքին, Իրանի նախագահը  յայտնեց, թէ   նացիները  այպանելի ոճիրներ  կատարած են հրեաներուն  դէմ:  Ռոհանի խուսափեցաւ  «ողջակզում»  եզրը   օգտագործելէ:  Տարօրինակօրէն,  լրատուական բազմաթիւ  աղբիւրներ մեծադիր խորագիրներով, յայտարարեցին, թէ   Ռոհանի  ճանչցած է   «Հոլոքոսթ»ը…:

LEAVE A REPLY

Please enter your comment!
Please enter your name here