ԼԱՎՐՈՎ – ՔԵՐՐԻ ԴՌՆՓԱԿ ՀԱՆԴԻՊՈՒՄ ՆԻՒ ԵՈՐՔԻ ՄԷՋ

0
128

ՄԱԿ-ի  68-րդ  ընդհանուր նստաշրջանի ծիրին մէջ,  Ռուսիոյ արտաքին գործոց  նախարար Սերկէյ  Լաւրով դռնփակ   նիստ մը գումարեց   Միացեալ Նահանգներու պետական քարտուղար  Ճոն Քերրիի  հետ  եւ  քննարկեց Սուրիոյ   իրավիճակը:  Հանդիպումը  տեւեց   մէկուկէս ժամ:   Լաւրով եւ Քերրի  քննարկեցին  Սուրիոյ քիմիական զէնքերը  ոչնչացնելու   ռուս-ամերիկեան   ծրագիրին  գործադրութիւնը, ինչպէս նաեւ ՄԱԿ-ի Ապահովութեան Խորհուրդին մէջ Սուրիոյ  վերաբերեալ  բանաձեւի մը  մշակումը:  

Քերրի՝ կառուցողական  բնութագրեց Լաւրովի հետ հանդիպումը,  ինչպէս նաեւ  բանաձեւին բովանդակութիւնը.« Բանակցութիւնները արդիւնաւէտ էին, մենք ընդհանուր պատկերացում ունինք:  Յոյսով ենք, որ կը համաձայնինք ՄԱԿ-ի բանաձեւին շուրջ». յայտնեց Լաւրով:  Ռուսիոյ արտաքին գործոց նախարարը անգամ մը եւս  լուրջ մտավախութիւն յայտնեց, որ  քիմիական  զէնք կը  գտնուի Սուրիոյ ընդդիմութեան  տիրապետութեան տակ:

LEAVE A REPLY

Please enter your comment!
Please enter your name here