ԼԻԲԱՆԱՆԵԱՆ ԿԱՐՃ ԼՈՒՐԵՐ

0
102

– Լիբանանեան  բանակը Արսելի մէջ կրակ բացաւ  անցարգելի մը  առջեւ ստուգումէ խուսափող     մինի-պիւսի  մը վրայ:  Մինի –պիւսը   Սուրիայէն զարտուղի   ճանապարհով  Ճեպհէթ Ալ Նուսրայի  զինեալներ կը փոխադրէր  Լիբանան: Բանակի միաւորները  մէկ քանի անգամ զգուշացնելէ ետք,  ստիպուած  եղան  կրակ բանալ  փախուստ տոուղ  մարդատար կաժքին վրայ, սպաննելով  անձ   մը, վիրաւորելով   երկու ուիրշներ,որոնք անմիջապէս   փոխադրուեցան  հիւանդանոց:  Փախուստ տուած   մինի – պիւսը  անմիջապէս   ուղղուեցաւ Արսելի   Ֆարուք մզկիթը, որուն  իմամը՝ շէյխ  Մուսթաֆա  Հըժէյրին  է:     Աւելի ուշ, մինի-պիւսին  վարորդը  անձնատուր  դարձաւ բանակին:

– Ռուսիոյ  արտաքին գործոց նախարարութիւնը յայտարարեց, թէ 2013-ի ընթացքին  տասը միլիոն տոլար պիտի յատկացնէ  ՄԱԿ-ի գաղթականաց  հարցերու  գերագոյն խորհուրդին, որուն  6.5   միլիոնը պիտի տրամադրուի Լիբանանին,  3.5   միլիոնը՝ Յորդանանին:

-Համաշխարհային  Դրամատան  փոխնախագահ  Ինկէր Անտերսըն յայտնեց, թէ  Դրամատունը   օգնութեան  ձեռք պիտի  մեկնէ Լիբանանին,  որպէսզի  մեղմացնէ   սուրիացի  գաղթականներուն բեռը:   Անտերսըն  նշեց,թէ  Համաշխարհային Դրամատունը   վարչապետ  Նեժիպ Միքաթիի խնդրանքով   ուսումնասիրութիւն մը կատարած է   սուրիացի  գաղթականներուն վերաբեալ:

–  Մարոնիներու   Պշարա  Ռայի գարտինալը  Հռոմի մէջ  հանդիպում մը ունեցաւ  Ֆրանսիսկոս Ա. Պապին հետ եւ քննարկեց  Լիբանանի եւ առ հասարակ  Միջին Արեւելքի քրիստոնէութեան  իրավիճակը:  Ֆրանսիսկոս Ա. Պապը ըսաւ, թէ   բռնակալներուն դէմ  պայքարելու  միակ   ճշմարիտ  ճանապարհը աղօթքն է, աւելցնելով, որ  աղօթքը  Միջին Արեւելքը եւ Լիբանանը խաղաղութեան մէջ պահելու  միակ  ճանապարհն է:

-Լիբանանի մօտ  Միացեալ Նահանգներու դեսպան  Տէյվիտ  Հէյլ   այցելեց   ուժանիւթի եւ  ջուրի  հրաժարեալ նախարար  Ժըպրան Պասիլին , ապա՝ տեղեկատուութեան հրաժարեալ նախարար Ուալիտ  Տաուաքին:  Դեսպանը    ցաւ յայտնեց, որ Սուրիոյ   հակամարտութիւնը  ժխտական անդրադարձ կ’ունենայ  Լիբանանի բոլոր մարզերուն վրայ:  Հէյլ յայտնեց,թէ նախագահ Պարաք Օպամա՝ 8.7  միլիոն տոլար արժողութեամբ յաւելեալ օժադակութիւն մը պիտի յատկացնէ  Լիբանանի ներքին ապահովութեան ուժերուն:

 -Նորանշանակ  վարչապետ Թամամ Սալամ  ընդունեց  Մուսթաքպալ  Հոսանքի անդամ, երեսփոխան  Ահմէտ Ֆաթֆաթը: Հանդիպումէն  ետք, Ֆաթֆաթ նշեց, թէ  Սալամ կը մնայ   կառավարութիւն կազմելու  համար  ամենաատակ անձնաւորութիւնը:

LEAVE A REPLY

Please enter your comment!
Please enter your name here