ՄԱՐԶԱԿԱՆ – ՊԱՐՉԵԼՈՆԱ 6-ՐԴ ԱՆԸՆԴՄԷՋ ՅԱՂԹԱՆԱԿԸ ԱՐՁԱՆԱԳՐԵՑ

0
146

Սպանիոյ  ֆութպոլի  6-րդ հանգրուանի մրցումներուն,  Պարչելոնա  սեփական  դաշտին մէջ ընդունեց  Ռէալ Սոսիետատը եւ  4-1 արդիւնքով  յաղթանակ մը արձանագրեց անոր դէմ:  Նէյմար,  Մեսի, Պուսքես եւ Պարթրա   նշանակեցին գաթալոնական խումբին կոլերը:  Պարչելոնա արձանագրեց   վեցերորդ անընդմէջ   յաղթանակը եւ  18  կէտով կը գլխաւորէ  ընդհանուր դասաւորումը: Ի դէպ, Մեսիի  նշանակած կոլը  323-րդն էր Պարչելոնայի շապիկով:  26-ամեայ Մեսի, Պարչելոնայի կազմէն  նշանակած է  նոյնքան  կոլ, որքան Ռէալի  նախկին յարձակող   Ռաուլ Կոնզալէսը՝ մայրաքաղաքի  ակումբին շապիկով:  Սպանիոյ ֆութպոլի ախոյեանութեան ամենաշատ կոլ  նշանակելու  մրցանիշը  կը պատկանի  Աթլեթիք Պիլպաոյի նախկին յարձակող Թելմօ  Սառայինն է՝ 335 կոլ: 

Միւս կողմէ, Աթլեթիքօ Մատրիտ՝ 2-1 արդիւնքով պարտութեան մատնեց  Օսասունան եւ Պարչելոնայի  նման ,վեց մրցուներէ ետք հաւաքած է 18 կէտ: Տիէկօ Գոսթա   նշանակեց  Աթլեթիքոյի զոյգ կոլերը:

Իտալիոյ  ֆութպոլի  ախոյեանութեան  5-րդ հանգրուանի մրցումներուն,  Ճենովայի դէմ, Անթոնիօ  Տի Նաթալի  նշանակած կոլը՝ 1-0 արդիւնքով  յաղթանակ մը   շնորհեց Ուտինեզէին:  Ուտինեզէ  ներկայիս  ունի   եօթ կէտ,  Ճենովա՝  չորս:

Ֆրանսայի   ֆութպոլի ախոյեանութեան  7-րդ հանգրուանի մրցումներուն,  Մարսէյ՝ 2-1 արդիւնքով պարտութեան մատնեց իր վաղեմի  մրցակիցը՝ Սէն Թեթիէնը:   Պենժամին Մենտի եւ  Ժիլպեռ  Ինպուլա  նշանակեցին Մարսէյի կոլերը,   Ֆաուզի  Կուլամ՝  Սէն Թեթիէնի:  Սոյն  յաղթանակէն ետք, Մարսէյ  14  կէտով  հաւասարեցաւ  ընդհանուր դասաւորման առաջին դիրքը գրաւող Մոնաքոյին (վերջինս մէկ  մրցում  նուազ կատարած է):  Սէն Թեթիէն ունի  12 կէտ եւ կը  գրաւէ  5-րդ դիրքը:

Գերմանիոյ   բաժակի երկրորդ  հանգրուանի մրցումներուն, Պորուսիա Տորթմունտ, լրացուցիչ   ժամանակին,   2-0 արդիւնքով  պարտութեան մատնեց  Միւնիխ  1860-ը:  Հայաստանի  հաւաքականի կիսապաշտպան Հենրիխ Մխիթարեան, մրցումի 107-րդ  վայրկեանին  նշանակեց Տորթմունտի երկրորդ կոլը:

 

ՇԻՐԱԿ ՇԱՀԵՑԱՒ  «ՍՈՒՓԸՐ  ԳԱՓ»Ը

Երեւանի   Վազգէն Սարգսեանի անուան մարզադաշտին մէջ, Կիւմրիի Շիրակը  2-0 արդիւնքով պարտութեան մատնեց  Փիւնիկը եւ շահեցաւ Հայաստանի «Սուփըր Գափ»ը:  Շիրակի  կոլերը  նշանակեցին Սերժ  Տեպլէ եւ  Տիտիյէ   Պորիս:  Մրցումէն ետք, Շիրակի   մարզիչ Վարդան  Պիչախչեան   ուրախութեամբ  յայտարարեց, թէ սոյն բաժակը կը  բացակայէր Շիրակի  տիտղոսներու  ցուցադարանէն…:

«ԼԻԿ ԳԱՓ»

ՉԵԼՍԻ, ՍԻԹԻ, ԹՈԹԵՆՀԱՄ   ՀԱՍԱՆ   1/8 –ՐԴ  ՀԱՆԳՐՈՒԱՆ 

Երեքշաբթի  երեկոյեան, անգլիական յ  տարբեր  մարզադաշտերու մէջ տեղի ունեցան  «Լիկ Գափ»ի  երրորդ  հանգրուանի հանդիպումները:  Լոնտոնի Չելսին,   2-0 արդիւնքով  պարտութեան մատնեց Սուինտըն Թաունը՝ այս  վերջնոյն  դաշտին մէջ: Ֆեռնանտօ Թորէս եւ Ռամիրես նշանակեցին «Կապոյտ»ներուն կոլերը:  Մանչեսթըր Սիթի հինգ անպատասխան  գնդակ զետեղեց Ուիկանի  բերդին մէջ:   Էտին  Ճեքօ, Եովեթիչ(2), Եայիա Թուրէ,  Խեսուս  Նաւաս նշանակեցին Սիթիի կոլերը:

 Թոթենհամ՝ 4-0 արդիւնքով  պարտութեան մատնեց  Ասթոն Վիլան:   Ճերմէյն  Տեֆօ (2),  Փաուլինիօ եւ  Նասէլ  Չատլի նշանակեցին  լոնտոնեան  կազմին կոլերը:  Հոլ Սիթի 1-0 արդիւնքով պարտութեան մատնեց Հատըրսֆիլտ Թաունը:  Առանց մարզիչի՝ Սանտերլանտը՝ 2-0 արդիւնքով պարտութեան մատնեց  Փիթըրպորօն:   Ուեսթ Համ Եունայթըտ՝ 3-2 արդիւնքով   դժուար  յաղթանակ մը արձանագրեց Գարտիֆ Սիթիի դէմ: Մորիսըն,  Ճարվիս եւ Վազ նշանակեցին   Ուեսթ Համի  կոլերը:  Ֆուլամ՝ 2-1 արդիւնքով պարտութեան մատնեց  Էվըրթընը:  Տիմիթրի Պերպաթով եւ  Տարէն Պենթ  նշանակեցին   լոնտոնեան կազմին կոլերը: Սթիվըն Նէյսմիթ՝  Էվըրթընի:

ԼԵՎԱՆԹՈՎՍՔԻ  ՊԻՏԻ  ՄԻԱՆԱՅ  ՊԱՅԵՐՆԻ

 Պորուսիա  Տորթմունտի եւ Լեհաստանի  հաւաքականի  յարձակող   Ռոպերթ  Լեվանթովսքի  հաստատեց  Պայերն Միւնիխի  միանալու  լուրերը:  Լրագրողներուն  հետ հանդիպումի մը  ընթացքին,  24-ամեայ   յարձակողը  յայտարարեց, թէ  2 Յունուար 2014-ին  չորս տարուան  պայմանագրութիւն  մը  պիտի  կնքէ  Տորթմունտի հետ, սակայն ամրան պիտի  միանայ  պաւարիական ակումբին:

ՀԻՆԳՇԱԲԹԻ  ԵՐԵԿՈՅԵԱՆ  ԿԱՅԱՆԱԼԻՔ ՀԱՆԴԻՊՈՒՄՆԵՐ

 ՍՊԱՆԻԱ

 Աթլեթիք  Պիլպաօ – Ռէալ Պեթիս  ժամը՝  21.00

Կեթաֆէ – Չելթա Վիկօ  ժամը՝  23.00

Վիլառէալ  –  Էսփանիոլ ժամը՝   23.00

ԻՏԱԼԻԱ

 Ինթէր Միլան –  Ֆիորենթինա ժամը՝  21.45

ՖՐԱՆՍԱ

 Մոնփելիյէ –  Ռէն  ժամը՝  22.00

LEAVE A REPLY

Please enter your comment!
Please enter your name here