ՆԱԽԱԳԱՀ ՍԸԼԷՅՄԱՆ ՄԱԿ-Ի ԱՄՊԻՈՆԷՆ ՇԵՇՏԵՑ ԼԻԲԱՆԱՆԸ ՇՐՋԱՆԱՅԻ Ն ՀԱԿԱՄԱՐՏՈՒԹԻՒՆՆԵՐԷՆ ՀԵՌՈՒ ՊԱՀԵԼՈՒ ԱՆՀՐԱԺԵՇՏՈՒԹԻՒՆԸ

0
119

Հանրապետութեան նախագահ  Միշէլ Սըլէյման  Երեքշաբթի   գիշեր,Պէյրութի ժամով  12.30-ին  ՄԱԿ-ի 68-րդ ընդհանուր   նստաշրջանին արտասանեց Լիբանանի խօսքը:  Նախագահը շեշտը  դրաւ   Լիբանանը   շրջանային  զարգացումներէն  հեռու պահելու անհրաժեշտութեան վրայ, զօրակցելու  Պաապտայի  Յայտարարութեան եւ  շարունակել թիւ 1701  բանաձեւի  գործադրութիւնը: Ան  դատապարտեց  Լիբանանի  հողային տարածութիւններուն վրայ  իսրայէլեան  ոտնձգութիւնները:   Սըլէյման  քաղաքական  լուծում մը  մաղթեց Սուրիոյ  հակամարտութեան եւ կտրականապէս  մերժեց Սուրիոյ  քիմիական զէնքերը գաղտնօրէն  Լիբանան   փոխադրելու մասին  տեղեկութիւնները:  Հանրապետութեան նախագահը արդար  եւ  ամբողջական լուծում  մը պահանջեց  Միջին Արեւելքի հակամարտութեան, յատկապէս   պաղեստինեան հարցին: Ան անգամ մը եւս   շեշտեց, թէ Լիբանան կը մերժէ  պաղեստինցիներու բնակեցումը Լիբանանի մէջ:  Նախագահը   յատուկ  կերպով անդրադարձաւ Սուրիոյ  գաղթականներուն  հետեւանքով երկրին մէջ ստեղծուած  վիճակին, մաղթելով որ միջազգային ընտանիքը  մարդասիրական անիջական  օժանդակութիւն կը  հայթայթէ  սուրիացի գաղթականներուն:

Իր խօսքի  աւարտին, նախագահ Սըլէյման   յայտնեց, թէ Լիբանան պիտի մնայ համակեցութեան եւ ազատութիւններու երկիր, յանձնառու մնալով միջազգային  որոշումներուն, ինչպէս նաեւ  համաշխարհային խաղաղութիւնը,  բարգաւաճումը, արդարութիւնը  ամրապնդելու  գործընկեր:

LEAVE A REPLY

Please enter your comment!
Please enter your name here