ՍԱԼԱՄ- ՊԸՐՐԻ – ՃՈՄՊԼԱԹ ՏԱՐԲԵՐ ՏԵՍԱԿԷՏՆԵՐ Կ’ԱՐՏԱՅԱՅՏԵՆ ԿԱՌԱՎԱՐՈՒԹԵԱՆ ԿԱԶՄՈՒԹԵԱՆ ՇՈՒՐՋ

0
118

Նորանշանակ վարչապետ Թամամ Սալամ հաւաստեց  կառավարութիւն կազմելու  առաքելութիւնը  շարունակելու  իր վճռակամութիւնը: Սալամ  հաստատեց, թէ   ներքին   բեմի վրայ համախոհութեան  բացակայութիւնը իր ժխտական ազդեցութիւնը կ’ունենայ կազմութեան  աշխատանքներուն վրայ:

Պատասխանելով  հարցումի մը, թէ  նախագահ  Միշէլ  Սըլէյման եւ Թամամ Սալամ՝  Երեք Ութերու տարազով կառավարութիւն մը պիտի յայտարարեն Հոկտեմբերի սկիզբը,  խորհրդարանի նախագահ Նեպիհ Պըրրի  անհաւանական նկատեց նման զարգացում մը, զայն   նկատելով   երկխօսութեան  ոգիին  անյարիր,  ինչպէս նաեւ  երկիրը կառավարելու սկզբունքներուն հակոտնեայ քայլ:  Պըրրի դիտել տուաւ, թէ ապահովական ծրագիրը պիտի շարունակուի  համայն  Լիբանանի մէջ, ներառեալ՝ Սայտայի եւ Թրիփոլիի: Պըրրի   շեշտեց   քաղաքական  բոլոր    հոսաքները  ներառնող կառավարութեան մը անհրաժեշտութիւնը, եւ ընդգծեց, թէ ոչինչ կրնայ  փոխարինել երկխօսութիւնը:  Պըրրի նաեւ  ընդունեց  ներքին գործոց նախարարի պաշտօանկատար Մարուան Շարպէլը:

Ընկերվար Յառաջդիմական Կուսակցութեան պետ Ուալիտ Ճոմպլաթ  նշեց, թէ կառավարութիւն կազմելու տագնապը  հրաշքի կը կարօտի, որովհետեւ  անկարելին  փորձած  էր՝ կազմութիւնը  դիւրացնելու  համար, սակայն բոլոր  ճիգերը  մնացած  են ապարդիւն: Ճոմպլաթ  միաժամանակ   անիմաստ  գտաւ   Լիբանանին քաղաքականապէս զօրակցելու յայտարարութիւնները   եւ   միջազգային   ընտանիքէն գործնական  քայլեր պահանջեց սուրիացի   գաղթականներուն համար:

Ներքին գործոց նախարարի  պաշտօնակատար Մարուան Շարպէլ  իր  գոհունակութիւնը արտայայտեց  հարաւային արուարձաններու  մէջ   ապահովական ծրագիրին յաջողութեան:   Նախարարը աւելցուց, թէ վաղը՝  Ուրբաթ,  վարչապետարանին մէջ,  վարչապետ  Նեժիպ Միքաթիի  գլխաւորութեամբ ապահովական նիստ մը   նախատեսուած է, քննարկելու  Թրիփոլիի  համար   ապահովական ծրագիր մը:

LEAVE A REPLY

Please enter your comment!
Please enter your name here