ԼԻԲԱՆԱՆԵԱՆ ԿԱՐՃ ԼՈՒՐԵՐ

0
126

–          Մուսթաքպալ Հոսանքի անդամ,  երեսփոխան  Սամիր Ճըսր  դիտել տուաւ, թէ տակաւին  վերջնական որոշում մը  չէ գոյացած  «Երեք Ութ»երու տարազով  կառավարութեան վերաբերեալ:  Ճըսր մաղթեց, որ չուշանայ  նոր կառավարութեան կազմութիւնը: Ան միաժամանակ ողջունեց  հարաւային արուարձաններուն մէջ  գործադրութեան դրուող ապահովական ծրագիրը:

–         Լրատուական ոչ  հաւաստի աղբիւրներ կը յայտնեն, թէ  Ահմէտ Ասիր, Այն Հելու  գաղթակայանէն, դիւանագիտական  թիւ կրող  ինքնաշարժի մը  օգնութեամբ ապաստանած է  Լիբանանի  մօտ Քաթարի դեսպանատունը:  Տեղեկութիւնները կ’ըսեն, թէ  քուլիսային միջնորդութիւններ  տեղի կ’ունենան Ասիրը  Քաթար  փոխադրելու  նպատակով:

–         Լիբանանեան Ուժեր Կուսակցութեան գործադիր խորհուդի  պետ Սամիր Ժաաժա  դիտել տուաւ, որ Միջին Արեւելքի  քրոստոնեաները անհրաժեշտ է, որ համբերատար ըլլան եւ    չկառչին Արեւմուտքին:  Ժաաժա  նկատել տուաւ, որ առ հասարակ  չափաւորականներէ  կազմուած է   արաբական աշխարհը, իսկ Արաբական  Գարունը աստիճանաբար  կ’ապացուցէ այս իրողութիւնը:

–          Խորհրդարանի նախագահ  Նեպիհ Պըրրի   ընդունեց  Լիբանանի մօտ Միացեալ Նահանգներու դեսպան Տէյվիտ Հէյլը եւ անոր հետ քննարակեց Լիբանանեան եւ  շրջանային  բեմի զարգացումները: Պըրրի,  խորհրդարանական  յանձնախումբերը ընդհանուր  նիստի մը հրաւիրեց  Երեքշաբթի,  1 Հոկտեմբերին:

–         Նախկին նախագահ Էմիլ Լահուտ  ընդունեց Լիբանանի մօտ Ռուսիոյ դեսպան Ալեքսանտր  Զասփիքինը եւ անոր հետ քննարկեց   շրջանային զարգացումները, ինչպէս նաեւ Լիբանանի իրավիճակը: Հանդիպումէն ետք, դեսպան Զասփքին   նշեց, թէ  Ռուսիա  անհրաժեշտ չի տեսներ   Սուրիոյ   վերաբերեալ նոր  բանաձեւին մէջ ՄԱԿ-ի   եօթներորդ Ուխտին դիմելու  նշումը:

 

LEAVE A REPLY

Please enter your comment!
Please enter your name here