«ՏՈՒՐՏԷ» ԱՐՇԱՒԸ՝ ՅԱՆՈՒՆ ՀԱՅՈՑ ՑԵՂԱՍՊԱՆՈՒԹԵԱՆ ՃԱՆԱՉՄԱՆ

0
105

Թրքական «ՏուրՏէ» («Ո՛չ ըսէ ցեղապաշտութեան եւ ազգայնամոլութեան») հասարակական կազմակերպութիւնը կը շարունակէ Թուրքիոյ մէջ Հայկական Ցեղասպանութեան ճանաչման ուղղուած շարժումը. այս մասին կը հաղորդէ պոլսահայերու «Հայթերթ» կայքը:
Վերջերս, «ՏուրՏէ»ն յայտարարութիւն տարածած է կազմակերպութեան կատարած ու նախապատրաստուող աշխատանքներուն մասին: Կառոյցը, ի միջի այլոց, մտադիր է Թուրքիոյ մէջ, 2014ի Ապրիլ 24ին, Ցեղասպանութեան զոհերու յիշատակին նուիրուած միջոցառում մը կազմակերպել:
«ՏուրՏէ»ի հիմնական նպատակներէն է Թուրքիոյ քաղաքացիներուն տեղեկութիւններ տրամադրել Հայկական Ցեղասպանութեան վերաբերեալ, եւ այդ նպատակով կազմակերպութիւնը Սեպտեմբեր ամսուան ընթացքին նաեւ «Ֆէյսպուք»ի վրայ կայքէջ մը հաստատած է:
Կազմակերպութիւնը Ցեղասպանութեան ճանաչման հետագայ ռազմավարութիւն մը մշակելու համար, Հոկտեմբեր 26ին պիտի կայացնէ բաց քննարկում, որուն մասնակցելու համար հրաւիրուած են բոլոր ցանկացողները: Կառոյցը նաեւ մտադիր է հրաւիրել մամլոյ ասուլիս մը:
«ՏուրՏէ»ն այս տարուան գարունէն սկսեալ կը պատրաստուի նաեւ Հայկական Ցեղասպանութեան 100ամեակի միջոցառումներուն եւ այդ առթիւ արդէն իսկ բազմաթիւ քննարկումներ իրականացուցած է:
Երիտասարդ գործիչներէ կազմուած «ՏուրՏէ»ն, վերջին քանի մը տարիներուն կը մասնակցի Թուրքիոյ մէջ Հայկական Ցեղասպանութեան զոհերու յիշատակի ոգեկոչման արարողութիւններուն: Կառոյցը կը պայքարի Թուրքիոյ մէջ ցեղապաշտական դրսեւորումներու վերացման համար եւ աշխատանք կը տանի ազգային փոքրամասնութիւններու իրաւունքները պաշտպանելու:

LEAVE A REPLY

Please enter your comment!
Please enter your name here