ԼԻԲԱՆԱՆԵԱՆ ԿԱՐՃ ԼՈՒՐԵՐ

0
114

–   Կաթողիկէ համայնքի  Միջին Արեւելքի   Եպիսկոպոսներու Խորհուրդը Պքերքէի մէջ   նիստ մը գումարեց, պատրաստելու յառաջիկայ  Նոյեմբերին, Հռոմի Ֆրանսսկոս Ա.Պապին  ներկայացուելիք  աշխատանքային  թուղթը:  Հանդիպումին մասնակցեցան  մարոնիներու Պշարա Ռայ  գարտինալը,  յոյն ուղղափառ եկեղեցւոյ  Կրեկորիոս  Գ. Լահամ պատրիարքը,  Քիլտանի համայքին  Լուիս  Ռոֆայէլ Սագօ պատրիարքը,  ասորի  կաթողիկներու Իկնաթիոս  Եուսէֆ Եունան պատրիարքը,  հայ կաղոթիկէ համայնքի  Ներսէս Պետրոս  19-րդ  պատրիարքը եւ   այլ եպիսկոոսներ:

– Նախագահ Միշէլ Սըլէյման  Նիւ Եորք կատարած այցելութիւնը եզրափակեց  հանդիպումներ ունենալով Միացեալ Նահանգներու պաշտպանութեան նախարար Չաք Հէյկըլի, ՄԱԿ-ի ընդհանուր քարտուղարի օգնական Ճեֆրի Ֆելթմանի եւ  Task Force For Lebanon  խմբաւորումի  պետ Թոմաս Նասիֆի  հետ:  Նախագահ  Սըլէյման,   վերոյիշեալ հանդիպումներուն ընթացքին քննարկեց լիբանանեան բանակը  արդիական արհեստագիտութեամբ օժտելու կարելիութիւնները:

-Պի.Պի. Սի.-ի հետ  ունեցած  ճեպազրոյցի մը  ընթացքին,  հանրապետութեան նախագահ Միշէլ Սըլէյման  մաղթեց, որ Հըզպալլա իր  զինեալները կը հեռացնէ Սուրիայէն, որովհետեւ նման  քայլ մը,  պիտի  ըլլայ ի շահ  Լիբանանին, Հըզպալլային եւ  բոլոր  կողմերուն:

– Ասորիներու  Միութեան նախագահ  Հապիպ Աֆրամ դիտել  տուաւ, թէ  Թուրքիոյ եւ սուրիացի  երկու  եպիսկոպոսները առեւանգող  կողմին միջեւ  տեղի ունեցող բանակցութիւնները պիտի արդիւնաւորուին  երկու  եպիսկոպոսներուն ազատ արձակումով:

-Մարոնիներու Պշարա Ռայի  գարտինալը  դիտել տուաւ, թէ Արաբական Գարունը  վերածուեցաւ  ձմրան, այն պահուն երբ ժողովուրդները  յուսադրուած էին  նոր կեանքի  լաւատեսութեամբ:

-Հեռատեսիլային   հարցազրոյցի մը  ընթացքին, Լիբանանի մօտ Ռուսիոյ դեսպան  Ալեքսանտր Զասփիքին  պահանջեց  Պաապտայի Յայտարարութեան ամբողջական եւ առանց բացառութեան գործադրութիւնը: Դեսպանը   ընդգծեց, թէ  միջազգային  ընտանիքը պէտք է  պատժական քայլերու  դիմէ, Սուրիոյ  մէջ  քիմիական զէնք  կիրառող  կողմին դէմ:

 

LEAVE A REPLY

Please enter your comment!
Please enter your name here