ՀԱՅԱՍՏԱՆԻ ՆԱԽԱԳԱՀԻՆ ՑԱՒԱԿՑԱԳԻՐԸ ՍՕՍ ՍԱՐԳՍԵԱՆԻ ՄԱՀՈՒԱՆ ԱՌԻԹՈՎ

0
119

 Հայաստանի հանրապեութեան  նախագահ Սերժ Սարգսեան ցաւակցագիր  յղեց  Հայաստանի  ժողովրդական  արուեստագէտ Սօս  Սարգսեանի մահուան առիթով: Անուանի   մտաւորականի հարազատներուն  եւ արուեստի գործընկերներուն ուղղուած    հանրապետութեան նախագահի  ցաւակցական հեռագիրին մէջ  կ’ըսուի.«  Մեծ է  բոլորիս վիշտը: Մենք կորսնցուցինք   մեծ դերասանի, մեծ մտաւորականի եւ մեծ հայի: Սօս Սարգսեանի  ներկայութիւնը  մեր արուեստին մէջ եւ հասարակական  կեանքին  նշանակալի  էր:  Ան  իր վարկով ու կեցուածքով  մեզ բոլորիս կը դարձնէր աւելի բարի, աւելի ազնիւ, աւելի լաւ: Անոր կատարած  դերերը   ամբողջ դարաշրջան մը կը խտացնեն մեր թատրոնի եւ  ֆիլմարուեստի պատմութեան մէջ:

Խորին ցաւակցութիւն կը յայտնեմ Սօս Սարգսեանի  հարազատներուն, գործընկերներուն եւ արուեստի  երկրպագուներուն, որոնք   մեծ հաշուով մեր ողջ ժողովուրդն են: Սա անդառնալի  եւ համազգային կորուստ է»:

LEAVE A REPLY

Please enter your comment!
Please enter your name here