ՄԻՔԱԹԻ՝ ՊԷՏՔ ՉԷ ՀԱՆԴՈՒՐԺԵԼ ԱՊԱՀՈՎԱԿԱՆ ԱՆԻՇԽԱՆԱԿԱՆՈՒԹԻՒՆ ԹՐԻՓՈԼԻԻ ՄԷՋ

0
114

Կառավարութեան  թղթածրարէն հեռու, երէկ առաւօտեան,  վարչապետարանին մէջ  տեղի ունեցաւ ապահովական  ընդլայնուած նիստ՝  վարչապետ Նեժիպ Միքաթիի,  ներքին գործոց նախարար Մարուան Շարպէլի, ապահովական  կառոյցներու  ներկայացուցիչներու մասնակցութեամբ:  Նիստին մասնակիցները քննարկեցին հարաւային արուարձաններու  մէջ գործադրութեան դրուած ապահովական  ծրագիրին  ընթացքը,  ինչպէս նաեւ  քննարկեցին Թրիփոլիի  մէջ նոյնանման  ծրագիր մը գործադրելու կարելիութիւնները:  

 Նիստի  ընթացքին հրաժարեալ վարչապետ Նեժիպ   Միքաթի   խիստ կարեւոր նկատեց  Թրիփոլիի մէջ ապահովական  ծրագիրի մը  գործադրութիւնը: Միքաթի  նշեց, թէ  թոյլատու պէտք չէ ըլլալ  ապահովական անիշխանականութեան:   Ան  միաժամանակ  Թրիփոլիի բնակիչներէն պահանջեց   օժանդակութեան  ձեռք մեկնել  կառավարութեան քայլերուն:Ժողովականները  ներքին գործոց նախարար Մարուան Շարպէլը եւ պաշտպանութեան նախարար Ֆայէզ Ղըսնը լիազօրեցին ապահովական  ծրագիր  մը մշակելու Թրիփոլիի համար:

LEAVE A REPLY

Please enter your comment!
Please enter your name here