ՆԱԽԱԳԱՀ ՍԸԼԷՅՄԱՆ ԿԸ ՎԵՐԱԴԱՌՆԱՅ ԼՈՒԾԵԼՈՒ ԿԱՌԱՎԱՐՈՒԹԵԱՆ ՏԱԳՆԱՊԸ

0
108

 Նիւ Եորքի   ՄԱԿ-ի   68-րդ ընդհանուր   նստաշրջանը  դարձաւ պատմութիւն:  Հանրապետութեան նախագահ  Միշէլ  Սըլէյման  կը վերադառնայ  Լիբանան, ուր նոր  կառավարութեան թղթածրարը  անելային  կացութիւն մը ստեղծած  է   երկրին մէջ:   Պաապտայի  պալատին  մօտիկ աղբիւրներ կը  յայտնեն, թէ  Սըլէյման՝ Սէուտական Արաբիա կատարելիք այցելութեան  միջոցին, սէուտցի  պաշտօնակատարներուն պիտի  համոզէ  9-9-6  տարազով կառավարութեան մը կազմութեան: Ուալիտ Ճոմպլաթ   կտրականապէս կը մերժէ «Երեք Ութ»երու  եւ իրողական կառավարութեան տարբերակները:  Մարտ  8-ի  աղբիւր մը  լիբանանեան  մամուլին  հաղորդեց, թէ  իրողական  կառավարութիւն մը  յայտարարուելու պարագային,   հրաժարեալ կառավարութեան մաս  կազմող  Մարտ 8-ի նախարարները պիտի  չլքեն իրենց   պաշտօնները : Ընկերվար Յառաջդիմական Կուսակցութեան  պետ Ուալիտ Ճոմպլաթ դարձեալ  մերժեց իրողական կառավարութեան  ծրագիրը, պահանջելով  համախմբող կառավարութիւն  մը:

Միւս կողմէ, հրաժարեալ  վարչապետ Նեժիպ Միքաթի  հաւանութիւն տուաւ  իրողական կառավարութեան մը՝ «հնարաւոր կարելին կատարելու նպատակով»: Մուսթաքպալ Հոսանքը յայտարարեց,թէ պիտի  մերժէ  9-9-6  տարազով  որեւէ կառավարութիւն: Երեսփոխան Նեպիլ Տը Ֆրէյժ   բացառեց  նման  տարբերակ մը  ընդունելու  կարելիութիւնը:

LEAVE A REPLY

Please enter your comment!
Please enter your name here