ՆԻՒ ԵՈՐՔԷՆ ԵՏՔ՝ «ԺԸՆԵՒ -2» ԽՈՐՀՐԴԱԺՈՂՈՎԸ ԳԵՏԻՆ ԿԸ ՇԱՀԻ

0
124

ՄԱԿ-ի Ապահովութեան Խորհուրդին մէջ  Սուրիոյ  քիմիական զէնքերուն վերաբերեալ  բանաձեւը  քուէարկելէ ետք,   միջազգային  ընտանիքին առջեւ ամենահիմնական   օրակարգը պիտի  ըլլայ  «Ժընեւ -2» խորհրդաժողովը: Սուրիական կառավարութիւնը առաջին իսկ օրէն   հաւանութիւն տուած էր նման  խորհրդաժողովի մը  մասնակցութեան:  Հիմնական հարցը  ըստ երեւոյթին   պիտի  ըլլայ   ընդդիմութեան ներկայացուցչութեան պարագան:  Ընդդիմութեան զանազան   թեւեր արդէն սկսած  են  հակասական  կեցուածքներ դրսեւորել իրարու հանդէպ: Միացեալ Նահանգներու պետական քարտուղար Ճոն Քերրի քաղաքական  լուծումի սեղան նստելու կոչ  մը ուղղեց հակամարտութեան կողմերուն, շեշտելով որ կողմերէն  ոչ մէկը  պիտի յաջողի հասնիլ յաղթանակի:

YouGov ընկերային ծառայութեան կողմէ կազմակերպուած  հարցախոյզ մը կը հետեւցնէ, թէ ամերիկացիներու  մեծամասնութեան կարծիքով,   նախագահ Վլատիմիր Փութին,  Պարաք Օպամայէն  շատ աւելի արդիւնաւէտ  վերաբերմունք ցոյց կուտայ Սուրիոյ հակամարտութիւնը  կարգաւորելու աշխատանքներուն:

 Սուրիոյ  Մաալուլա   գիւղի  քրիստոնեայ բնակիչները  կը յայտնեն, թէ   երկար ժամանակ համատեղ գոյակցելէ ետք,   շրջանի    իսլամները  դաւաճանած են  իրենց դրացիներուն՝  միանալով  ծայրայեղականներուն:  Այսօր արդէն,  Մաալուլայի  շրջանը, ուր կը գործէր  17   քրիստոնէական եկեղեցի, կ’ապրէին հինգ  հազար   քրիստոնեաներ եւ երկու հազար իսլամ, դարձած է աւերակ:  Ծայրաեղականները  քրիսոնեաներ սպաննած են   իսլամը ընդունելէ հրաժարելու  պատճառով: Ալ Քայիտայի  հետեւորդ Տաաշաս կազմակերպութիւնը իր շարքերը միացող զինեալներու ամսական  250  տոլարի  վարձատրութիւն մը կը խոստանայ:

Ծայրայեղականները  յարձակած են  Ռաքքա  քաղաքին մէջ  գործող երկու  եկեղեցիներուն վրայ, որոնցմէ մէկը՝ հայկական Սուրբ Նահատակաց եկեղեցին:  Անոնք  քանդած են  եկեղեցւոյ խաչով գմբեթը եւ  տեղադրած  իրենց դրօշակը:

LEAVE A REPLY

Please enter your comment!
Please enter your name here