ՄԱԿ ՄԻԱՁԱՅՆՈՒԹԵԱՄԲ ԸՆԴՈՒՆԵՑ ՍՈՒՐԻՈՅ ՔԻՄԻԱԿԱՆ ԶԷՆՔԵՐՈՒՆ ՎԵՐԱԲԵՐԵԱԼ ԲԱՆԱՁԵՒԸ

0
105

Երկար  բանակցութիւններէ ետք, ՄԱԿ-ի Ապահովութեան Խորհուրդի  15 անդամները (մնայուն եւ  ոչ մնայուն)  Սուրիոյ  քիմիական զէնքերուն վերաբերեալ միաձայնութեամբ բանաձեւ  ընդունեցին:  Բանաձեւը  բոլոր պետութիւններէն  կը  պահանջէ  օգնութիւն չտրամադրել  քիմիական զէնք արտադրող, ձեռք  բերող եւ կիրառող  ոչ պետական կազամակերպութիւններուն: Փաստաթուղթը   միաժամանակ երկխօսութեան  կոչ կ’ուղղէ Սուրիոյ  հակամարտութեան կողմերուն:  Բանաձեւը կը զգուշացնէ, որ  յօդուածները  չկատարելու պարագային, ՄԱԿ-ի  Եօթներորդ Ուխտին  համապատասխան  միջոցներ պիտի  ձեռնարկուին:  Բանաձեւը  կը նշէ,թէ  Սուրիոյ կողմէ տուեալ բանաձեւը  չկատարելու պարագային, ռազմական միջամտութեան քայլը միայն  ՄԱԿ-ի Ապահովութեան Խորհուրդի  յատուկ բանաձեւով կրնայ  տեղի ունենալ:

Ռուսիոյ արտաքին  գործոց նախարար Սերկէյ Լաւրով բացատրեց, թէ  բանաձեւը   չարտօներ  հարկադրութեան միջոցներ  կիրառելու  որեւէ  գործողութիւն.« Այնտեղ  հաստատուած  է Ժընեւի մէջ ռւոս-ամերիկեան  հանդիպման  ժամանակ  ձեռք բերուած  պայմանաւորուածութիւնը, որ պահանջներու խախտումները եւ  քիմիական զէնք կիրառելու պարագային,  ով   ալ ըլլայ այդ կողմը,  պէտք է  քննարկուի ՄԱԿ-ի Ապահովութեան Խորհուրդին կողմէ,  որ պատրաստ պիտի  ըլլայ  ընդունելու ՄԱԿ-ի Եօթներուրդ Ուխտի գործողութիւնները». Յայտնեց Լաւրով:

ՄԱԿ-ի մօտ  Սուրիոյ  դեսպան Պաշշար Ճաաֆարի պահանջեց, որ   բոլոր պետութիւնները յանձնառու դառնան  նոր  քուէարկուած բանաձեւին գործադրութեան,  ներառեալ այն պետութիւնները որոնք  տարբեր տեսակի օգնութիւն կը հայթայթեն   ահաբեկիչներուն եւ կու տան ապաստան:  Ճաաֆարի   ըսաւ, թէ   Թուրքիոյ, Սէուտական Արաբիոյ, Քաթարի, Ֆրանսայի, Միացեալ Նահանգներու եւ Բրիտանիոյ  կառավարութիւնները պատասխանատուութիւն կը կրեն   բանաձեւին առջեւ:

Սէուտական Արաբիոյ արտաքին գործոց նախարար իշխան Սէուտ Ֆայսալ  յայտարարեց, թէ  իր  երկիրը պիտի շարունակէ զէնք եւ այլ բնոյթի  օժանդակութիւն հայթայթել   Սուրիոյ իշխանութիւններուն դէմ պայքարող ուժերուն:

LEAVE A REPLY

Please enter your comment!
Please enter your name here