ՆԱԽԱԳԱՀ ՍԱՐԳՍԵԱՆ ԸՆԴՈՒՆԵՑ ԳԱՐԵԳԻՆ Բ. ԵՒ ԱՐԱՄ Ա. ԿԱԹՈՂԻԿՈՍՆԵՐԸ

0
125

Հայաստանի նախագահ Սերժ Սարգսեան 27 Սեպտեմբերին ընդունած է Գարեգին Բ. Ամենայն Հայոց կաթողիկոսն ու Արամ Ա. Մեծի Տանն Կիլիկիոյ կաթողիկոսը:
Հայաստանի նախագահի աշխատակազմի հասարակութեան եւ տեղեկատուութեան միջոցներու հետ կապերու վարչութենէն յայտնած են, որ հանրապետութեան նախագահը, Ամենայն Հայոց հայրապետը եւ Մեծի Տանն Կիլիկիոյ հայրապետը անդրադարձած են Մայր Աթոռ Սուրբ Էջմիածինի մէջ 27 Սեպտեմբերին աշխատանքը աւարտած հայ եկեղեցւոյ Եպիսկոպոսաց ժողովին ընթացքին, տրուած որոշումներուն, եկեղեցւոյ հոգեւոր բարձրագոյն իշխանութեան մարմինին կողմէ քննարկուած արդիական հարցերուն, որոնք եկեղեցաբանական, ծիսական խնդիրներէն բացի, կը ներառեն նաեւ աշխարհասփիւռ հայութեան եւ մայր հայրենիքին առջեւ ծառացած կարեւորագոյն խնդիրներն ու մարտահրաւէրները, Սփիւռքի գաղութներու հայապահպանման ուղղուած աշխատանքները եւ պետութիւն-եկեղեցի յարաբերութիւնները:
Հոգեւոր առաջնորդները անգամ մը եւս կարեւոր նկատած են Հանրապետութեան նախագահին մասնակցութիւնը Եպիսկոպոսաց ժողովի բացման, նախագահին խօսքին մէջ հնչած համազգային կարեւորութիւն ունեցող հարցերն ու անոնց նկատմամբ պետութեան դիրքորոշումները:

 

LEAVE A REPLY

Please enter your comment!
Please enter your name here