ԼԱՎՐՈՎ ՄՏԱՎԱԽՈՒԹԻՒՆ ՅԱՅՏՆԵՑ, ՈՐ ԸՆԴԴԻՄՈՒԹԻՒՆԸ ԴԱՐՁԵԱԼ ՕԳՏԱԳՈՐԾԷ ՔԻՄԻԱԿԱՆ ԶԷՆՔ

0
122

Սուրիոյ  հակամարտութեան հարցով ՄԱԿ-ի եւ Արաբական Լիկայի պաշտօնակատար Լախտար Իպրահիմի  յայտարարեց, թէ  «Ժընեւ -2»  խորհրդժողովին կայացումը կը մնայ հարցականի տակ, սակայն  հակամարտութիւնը կարգաւորելու ուղղուած  ջանքերը կը շարունակուին:   Իպրահիմի   նշեց, թէ  «Ժընեւ -2»ի   յստակ   թուականը կը  մնայ անորոշ: Բանագնացը  ընդգծեց, թէ  Սուրիոյ  ընդդիմութիւնը կտրականապէս դէմ  է  «Ժընեւ-2»ին Իրանի մասնակցութեան:  Իպրահիմի  խիստ կարեւոր  նկատեց  Իրանի մասնակցութիւը այդ խորհրդաժողովին:

ՄԱԿ-ի ընդհանուր  քարտուղարի  մամլոյ  քարտուղար  Մարթին Նեսիրքի  յայտարարեց, թէ    Սուրիոյ  ընդդիմութիւնը պիտի  մասնակցի  «Ժընեւ -2» խորհրդաժողովին: Սուրիոյ    ընդդիմութիւնը  հաւաստեց,թէ  սուրիական բանակը կը գերակշռէ  զինեալ կազմակերպութիւններու  կարողութիւնները, սակայն   ճիհատիստական կազմակերպութիւններու  ներկայութիւնը աւելի ազդու սկսած է դառնալ վերջին շրջանին:

Երէկ առաւօտեան Լիբանան  ժամանեց  ՄԱԿ-ի  քննիչներու նոր պատուիրակութիւն մը: Անոնք Մասնայի  ճանապարհով  մեկնեցան Դամասկոս: Ռուսիոյ արտաքին գործոց նախարար Սերկէյ Լավրով  յայտարարեց, թէ Սուրիոյ  քիմիական   զէնքերը  չէզոքացնելու  համար կարելի է օգտագործել ամերիկեան բջիջային սարքեր: Ան ըսաւ, թէ  զէնքերը չէզոքացնելու յատուկ  հետաքննիչները պիտի որոշեն ինչպէս եւ  երբ  ոչնչացնել քիմիական զէնքերը:  Լաւրով մտավախութիւն յայտնեց, որ  Սուրիոյ ընդդիմութիւնը կրկին  օգտագործէ  քիմիական զէնք:

Դամասկոսի արարձաններէն մէկուն մէջ ականուած  ինքնաշարժի մը  պայթումին հետեւանքով մահացան  տասներեք քաղաքացիներ:

LEAVE A REPLY

Please enter your comment!
Please enter your name here