ՆԱԼՊԱՆՏԵԱՆ՝ ՑԵՂԱՍՊԱՆՈՒԹԵԱՆ ՃԱՆԱՉՈՒՄԸ, ԴԱՏԱՊԱՐՏՈՒՄԸ ԵՒ ԿԱՆԽԱՐԳԻԼՈՒՄԸ ԿԸ ՇԱՐՈՒՆԱԿԵՆ ԱՌԱՋՆԱՀԵՐԹՈՒԹԻՒՆ ՄՆԱԼ ՄԵԶԻ ՀԱՄԱՐ

0
137

  Հայաստանի արտաքին գործոց նախարար Էտուարտ  Նալպանտեան, ՄԱԿ-ի Ապահովութեան Խորհուրդի 68-րդ ընդհանուր նստաշրջանին ունեցած իր   ելոյթին մէջ  շեշտեց, թէ   Հայոց Ցեղասպանութեան ճանաչումը,  դատապարտումը եւ կանխարգիլումը  կը շարունակեն առաջնայնութիւն մնալ  Հայաստանի համար: «Այս տարուան  Մարտին,  մարդու իրաւունքներու խորհուրդը  միաձայն ընդունեց «Ցեղասպանութեան  կանխարգիլման  վերաբերեալ բանաձեւը», որ  նախաձեռնուած էր Հայաստանի եւ աւելի քան  վաթսուն երկիրներու կողմէ:   Մենք անհրաժեշտ   քայլեր  կը նախաձեռնենք՝ ուղղուած ցեղասպանութեան յանցագործութեան  նոր դրսեւորումներու կանխմանը, միաժամանակ առաջնային  նշանակութիւն տալով  մարդկութեան  դէմ   յանցագործութիւններու  համար  պատասխանատուութեան  եւ  ժխտողականութեան  հարցերուն:  Իբրեւ  քսաներորդ  դարու առաջին ցեղասպանութիւնը  վերապրող ժողովուրդ՝  Հայաստան աներկբայ կ’ողջունէ  ՄԱԿ-ի անդամ պետութիւններու կողմէ արտայայտուած  յստակ դիդքորոշումը՝ բացառելու  որեւէ անձեռնմխելիութեան կամ  ներման կարելիութիւն մարդկութեան դէմ յանցագործութիւն   կատարողներու համար». Իր ելոյթին մէջ ըսաւ Նալպանտեան:  

Հայաստանի արտաքին գործոց նախարարը նաեւ տարածաշրջանային հարցերու,  ընդգծելով թէ միայն խաղաղ կարգաւորումով կարելի պիտի  ըլլայ լուծել  Լեռնային  Ղարաբաղի   հակամարտութիւնը:

LEAVE A REPLY

Please enter your comment!
Please enter your name here