ՆԱԽԱԳԱՀ ՍԸԼԷՅՄԱՆԻ ՌԻԱՏ ԱՅՑԵԼՈՒԹԻՒՆԸ ԴԱՐՁԵԱԼ ՅԵՏԱՁԳՈՒԵՑԱՒ

0
98

 Հանրապետութեան նախագահ Միշէլ Սըլէյման երէկ  առաւօտեան  Պաապտայի   պալատին մէջ ընդունեց  նորանշանակ վարչապետ  Թամամ Սալամը եւ անոր հետ քննարկեց   կառավարութեան կազմութեան  ընթացքը, ինչպէս նաեւ  Նիւ Եորք  կատարած այցելութեան  մանրամասնութիւնները:  Սըլէյման  յայտնեց, թէ անխափան կերպով  պիտի շարունակէ Նիւ Եորքի  մէջ կայացած Լիբանանի օժանդակութեան խորհրդաժողովին ընթացքին առնուած  որոշումները: Նախագահը  նշեց, թէ յառաջիկայ  օրերուն երեք տարբեր  յանձնախումբեր  պիտի կազմուին  լիբանանաբնակ սուրիացի գաղթականներուն անհրաժեշտութիւնները հոգալու   նպատակով:  Սալամ առանց որեւէ յայտարարութիւն կատարելու  մեկնեցաւ Պաապտայի պալատէն:

Նախագահական պալատին  մօտիկ աղբիւրներ հաղորդեցին, թէ  նախագահ Սըլէյմանի Սէուտական Արաբիա  նախատեսուած այցելութիւնը դարձեալ  յետաձգուած է, սակայն  յետաձգումին պատճաչները արհեստագիտական են եւ ոչ՝ քաղաքական:   Լիբանանի մօտ Սէուտական   Արաբիոյ  դեսպան Ալի Աուատ Օսէյրի  յայտարարեց, թէ  այցելութիւնը յետաձգուած է երկու  երկիրներու ղեկավարութեանց խորհրդակցութեամբ:

 Միւս կողմէ, նախագահ Սըլէյման վաղը՝ Չորեքշաբթի պիտի այցելէ Արաբական Միացեալ Էմիրութիններ: Վերջին պահուն յայտարարուեցաւ, թէ նախագահ Սըլէյման  կրնայ ջնջել Էմիրութիւններ կատարելիք այցելութիւնը:

 

LEAVE A REPLY

Please enter your comment!
Please enter your name here