ԹՈՒՐՔԻԱ ՊԻՏԻ ՎԵՐԱՆԱՅԻ ՍՈՒՐԻՈՅ ՍԱՀՄԱՆԸ ԲԱՑ ՊԱՀԵԼՈՒ ՈՐՈՇՈՒՄԻՆ

0
120

Ալ Քաիտա  լուրջ սպառնալիք  մը յղեց  Թուրքիոյ վարչապետ  Ռեճպ Թյիփ Էրտողանին՝ անձնասպանական գործողութիւններ իրագործելու  Անգարայի եւ Իսթանպուլի մէջ:  Ահաբեկիչները Թուրքիայէն կը պահանջեն բաց  ձգել թուրք-սուրիական սահմանը: Անոնք մէկ շաբթուան պայմանաժամ տուած են թրքական կառավարութեան: Ալ  Քայիտա նաեւ ստանձեց Մայիս ամսուան ընթացքին, Ռէյհանի  քաղաքին մէջ պատահած անձնասպանական գործողութեան պատասխանատուութիւնը: Թուրքիոյ   խորհրդարանը Հինգշաբթի, 3  Հոկտեմբերին պիտի վերանայի Սուրիոյ  սահամանագիծը  բաց պահելու որոշումին: Փոխվարչապետ Պիւլենթ Արինճ   նշեց, թէ  խորհրդարանը շատ հաւանաբար յետս կոչէ անցեալ տարուան որոշումը:

Սուրիոյ   քիմիական զէնքերը  չէզոքացնելու  առաքելութեամբ զբաղող քսան անդամներէ  բաղկացած  ՄԱԿ-ի հետաքննիչները  պաշտօնապէս սկսան իրենց աշխատանքին: ՄԱԿ-ի Ապահովութեան Խորհուրդի մամլոյ   քարտուղար Մարթին Նասիրքի  յայտնեց, թէ  հետաքննիչները իրենց  ուսումնասիրութիւնները կատարելու համար կը  պահանջեն  30  օր, որմէ ետք պիտի ներկայացնեն իրենց  տեղեկագիրը: Հետաքննիչներու այլ խումբ մը՝ Օքէ  Սելսթրոմի   գլխաւորութեամբ աւարտեց  իր  աշխատանքը եւ  վերադարձաւ Ժընեւ:

 

LEAVE A REPLY

Please enter your comment!
Please enter your name here