ԼԻԲԱՆԱՆԵԱՆ ԿԱՐՃ ԼՈՒՐԵՐ

0
109

 

–         Ընդհանուր ոստիկանապետի  պաշտօնին  շուրջ  նոր վէճ մը  ծագած է  Պաապտայի, Ռապիյէի եւ Պընաշիյի  միջեւ: Գործող ներքին գործոց նախարար Մարուան Շարպէլ իր նխընտրութիւնը  կու տայ   հանրապետութեան նախագահին առաջադրած  անունին, հակառակ այն իրողութեան որ նախագահ Միշէլ Սըլէյման  կը մերժէ նոր կառավարութեան կազմին մէջ ընդգրկել  Մարուան Շարպէլը:  

–         Փարիզ այցելող Ամալ կազմակերպութեան  ղեկավար մը, ֆրանսական մամուլին  յայտնածէ, թէ  Հըզպալլա աւելի քան 1200 զինեալ  հեռացուցած է Սուրիայէն: Աղբիւրը  ընդգծած է, թէ  մարդկային կորուստներու բարձր  թիւը սարսափեցուցած է  Հըզպալլայի ընդհանուր քարտուղար Հասան Նասրալան:

–         Ինտոնեզիոյ   ջուրերուն մէջ   խեղդամահ դարձած  լիբանանցիներուն  հարազատները կարգ մը   ճանապարհներ փակեցին  Աքքարի եւ  Թրիփոլիի միջեւ:  Ապահովական  ուժեր  վերաբացին ճանապարհերը:  Ինտոնեզիոյ իշխանութիւնները հետաքննութիւն սկսած են վարել վերապրողներուն հետ: Լիբանանի արտաքին  գործոց նախարարութիւնը նիստ մը գումարեց եւ  քննարկեց   վերապրողները Լիբանան  փոխադրելու կարելիութիւնները:

–         Երեսփոխան Ժան Օղասապեան դիտել  տուաւ, որ  նոր կառավարութիւն կազմելու Միշէլ Սըլէյմանի եւ Թամամ Սալամի ճիգերը  կը բախին  Հըզպալլայի ընդդիմութեան, որովհետեւ  ներկայացուած  տարազը չի համապատասխաներ անոր չափանիշներուն:  Երեսփոխանը աւելցուց  թէ  9-9-6  տարազով կառավարութեան մը  ձեւաչափը  Հըզպալլան  ներկայացուցած է  հակառակորդ  կողմէն զիջումներ ապահովելու մտադրութեամբ:

–         Յոյն Ուղղափառ եկեղեցւոյ Անթաքիոյ եւ համայն Արեւելքի Եուհանա  10-րդ  Եազիճի  պատրիարքը  դիտել տուաւ,որ խաղաղութիւնը Սուրիոյ մէջ  նուիրում եւ կամք  դրսեւորելով պիտի  գայ, եւ ոչ՝ հրթիռներով: Եազիճի երէկ երեկոյեան Վատիկանէն  վերադարձաւՊէյրութ:

LEAVE A REPLY

Please enter your comment!
Please enter your name here