ՆԱԽԱԳԱՀ ՍԸԼԷՅՄԱՆ ՔԱՂԱՔԱԿԱՆ ԼՈՒԾՈՒՄ ՄԱՂԹԵՑ ՍՈՒՐԻՈՅ ՀԱԿԱՄԱՐՏՈՒԹԵԱՆ

0
53

Հանրապետութեան նախագահ Միշէլ Սըլէյման  ընդունեց Ֆրանսայի արտաքին գործոց նախարարութեան կից  արտերկրի  ֆրանսացիներու  հարցերով զբաղող նախարար  Էլին Մուրէն եւ  անոր հետ քննարկեց Սուրիոյ իրավիճակը:  Սըլէյման իր  հիւրին առջեւ մաղթեց, որ  քաղաքական լուծում մը գտնուի  Սուրիոյ հակամարտութեան, միաժամանակ  մաղեց, որ միջազգային ընտանիքը  յանձնառու մնայ  սուրիացի  գաղթականներուն  օժանդակելու իր յանձնառւթեան: Նախագահ Սըլէյման նաեւ հետեւեցաւ  Ինտոնեզիոյ ջուրերուն մէջ  նաւաբեկեալներու հարցերով: Ան  ընդունեց  կենսոլորտի հրաժարեալ  նախարար  Նազէմ Խուրին,  ճարտարարուեստի  հրաժարեալ նախարար Վրէժ Սապունճեանը,երեսփոխաններ Ռիատ Ռահալը եւ Շանթ Չինչինեանը:

Քաղաքական  մեկնաբաններու կարծիքով,  նախագահ Սըլէյմանի   Սէուտական Արաբիա այցելութիւնը   յետաձգուած է   մինչեւ  Սուրիոյ  հակամարտութեան յստակացումը եւ Իրանի նախագահ Հասան Ռոհանիի Ռիատ  կատարելիք այցելութիւնը:

LEAVE A REPLY

Please enter your comment!
Please enter your name here