ԿԱՌԱՎԱՐՈՒԹԵԱՆ ԱՇԽԱՏԱՆՔԻ ԺԱՄԱՆԱԿԱՒՈՐ ԴԱԴՐԵՑՈՒՄԸ ՕՐԱԿԱՆ 300 ՄԻԼԻՈՆ ՏՈԼԱՐ ԳՈՒՄԱՐ Կ’ԱՐԺէ ՈՒԱՇԻՆԿԹԸՆԻՆ

0
136

Հանրապետական կուսակցութեան ծայրայեղական թեւը հանդիսացող «Թէյի կուսակցութեան» ճնշումներուն հետեւանքով, Երեքշաբթի, 1 Հոկտեմբերին, Միացեալ Նահանգներու կառավարութեան ոչ կենսական գործունէութիւնը կասեցուեցաւ եւ մօտաւորապէս 800,000 պաշտօնեաներ ակամայ «արձակուրդ»ի մեկնեցան։ Այս բոլորը հետեւանք էր անոր, որ ծայրայեղականները կը փափաքէին կասեցնել գործադրութիւնը առողջապահութեան ապահովագրութիւն ունեցողներու թիւը բազմացնելու նպատակով վաւերացուած ծրագիրին, որ  ծանօթ է «Օպամաքեր» անունով:
Նախագահ Պարաք Օպամա «անպատասխանատուութեան գագաթնակէտ»ը նկատեց հանրապետականներուն սոյն քայլը, որ նոր բարելաւուող տնտեսութեան եւս վնաս կրնայ հասցնել, եթէ կառավարութեան բնականոն գործունէութիւնը արտօնող պիւտճէի մը շուրջ արագ համաձայնութիւն մը չգոյանայ:
Նշենք թէ 1977-1996ի միջեւ, Միացեալ Նահանգներու մէջ կառավարութիւնը 17 անգամ «փակուած է»:

Միւս կողմէ, NASA հաւաստեց, թէ  հակառակ ստեղծուած տագնապին, Curiosity   տիեզերանաւը  պիտի շարունաէ  իր առաքելութիւնը դէպի Հրատ: NASA  նոյնպէս  կ’իյնայ փակ հաստատութիւններու շարքին մէջ: Կազմակերպութիւնը, երէկ՝  2  Հոկտեմբերին նշեց իր հիմնադրութեան  55-ամեակը: Նշենք, թէ  պիւտճէի անգոյութեան պատճառով,  նախագահ Պարաք Օպամա   յետաձգեց Մալեզիա նախատեսուած այցելութիւնը:

Տնտեսագէտներ  զգուշացուցին,թէ կառավարութեան  «փակում»ը օրական  300  միլիոն տոլարի  գումար մը պիտի արժէ  պետական  գանձին

LEAVE A REPLY

Please enter your comment!
Please enter your name here