ՆԱԽԱԳԱՀ ՍԵՐԺ ՍԱՐԳՍԵԱՆ՝ ՀԱՅԱՍՏԱՆ ՀԱՒԱՏԱՐԻՄ ՊԻՏԻ ՄՆԱՅ ԵՒՐՈՊԱԿԱՆ ԱՐԺԷՔՆԵՐՈՒ ԱՄՐԱՊՆԴՄԱՆ

0
116

 Հայաստանի համար պատիւ եւ մեծ պատասխանատուութիւն է գլխաւորել Եւրոպայի Խորհուրդի նախարարներու Խորհուրդը: Այս մասին այսօր՝, 2  Հոկտեմբերին, Սթրազպուրկի մէջ ԵԽԽՎ պատուիրակներուն առջեւ յայտարարեց Հայաստանի նախագահ Սերժ Սարգսեան:

Ան ընդգծեց, թէ Հայաստան վերջերս տօնեց անկախութեան հռչակման 22-ամեակը եւ այդ տարիներուն ընթացքին կատարուած են բազմաթիււ  ձեռքբերումեր: «Անկախութեան հռչակագիրը մեր սերունդների երազանքների իրականացումն էր: Հայ հասարակութիւնը միշտ ձգտել է ունենալ համակարգ, որը հիմնուած է ազատութեան, ժողովրդավարութեան, օրէնքի գերակայութեան վրայ»,-ընդգծեց Հայաստանի նախագահը:

Սերժ Սարգսեանի խօսքով` Հայաստանը հաւատարիմ է եւրոպական արժէքներու ամրապնդման` ժողովրդավարութեան, օրէնքի գերակայութեան ու ազատութիւներուն: Խօսելով Հայաստանի առջեւ ծառացած մարտահրաւէրներուն՝ ան նշեց փտածութեան եւ գործազրկութեան խնդիրները:

ՀՀ նախագահը նաեւ յայտնեց, որ Լեռնային Ղարաբաղի հակամարտութեան խաղաղ կարգաւորումը կը շարունակէ մնալ Հայաստանի գլխաւոր նպատակը:

Նշելով ԵԱՀԿ Մինսքի խումբի ջանքերն այդ ուղղութեամբ,  ան ընդգծեց, որ Հայաստան կը գնահատէ տարածաշրջանի մէջ կայունութեան ապահովման ուղղուած բոլոր ջանքերը:

Սերժ Սարգսեան նշեց, որ դրացի երկրի նախագահը մշտապէս կը սպառնայ պատերազմով եւ կը հպարտանայ ռազմական պիւտճէով: Սակայն, ըստ ՀՀ նախագահի, նման յայտարարութիւնները ոչ բոլոր ատրպէյճանցիները կը կիսեն: “Այն, ինչ մենք լսում ենք, քարոզչական մեքենայի յայտարարութիւններն են”,-ըսաւ ան:

Սերժ Սարգսեան յիշեցուց, որ ժողովրդավարական հասարակութիւնը հակամարտութեան լաւագոյն տեղն է եւ այդպիսի հասարակութեան օրինակ է Լեռնային Ղարաբաղը:

Նախագահ Սարգսեան   հանդիպում մը ունեցաւ Եւրէոպական Խորհուրդի   գլխաւոր   քարտուղար Թորպիորն  Եակլանտի հետ: Վերջինս  Հայաստանի նախագահին յայտնեց, թէ  մտադրած է Հոկտեմբերին այցելել Հայաստան:  Նախագահը նաեւ  տեսակցութիւններ ունեցաւ  Եւրոպայի Խորհուրդի  Խորհրդարանական Վեհաժողովի նախագահ  Ժան Գլոտ  Մինիոնի եւ Եւրոպական  Խորհուրդի   մարդու  իրաւունքներու յանձնակատար  Նիլս  Մուիժնիքսի   հետ:

 

 

LEAVE A REPLY

Please enter your comment!
Please enter your name here