ՍՈՒՐԻՈՅ ՀԱԿԱՄԱՐՏՈՒԹԻՒՆԸ ՄԱՐԴԿԱՅԻՆ ԿՈՐՈՒՍՏՆԵՐՈՒ ՏԵՍԱՆԿԻՒՆԷՆ

0
107

ՄԱԿ-ի կից  մարդասիրական  օժանդակութիւններ հայթայթող  հարցերու   պատուիրակ Վալերի Ամոս  դիտել տուաւ, թէ  սուրիացի   քաղաքացիներուն մարդասիրական   օգնութիւն  հասցնելը  մեծագոյն  դժուարութիւններէն  մէկը դարձած  է ներկայիս: Ամոս  ցաւ յայտնեց, թէ բազմաթիւ   շրջաններ զրկուած են   մարդասիրական  նուազագոյն   օգնութիւններէն:

Սուրիոյ պատերազմի ողջ տեւողութեան ընթացքին, վերջին տուեալներուն համաձայն, զոհուած է աւելի քան 115.206 մարդ։ Այս մասին կը յայտնէ Al Arabiya-ն:

Այս եզրակացութեան հասած է Մարդու Իրաւունքներու պաշտպանութեան սուրիական կեդրոնը՝ արձանագրելով   18  Մարտ 2011-էն  մինչեւ   30  Սեպտեմբեր 2013-ի ժամանակամիջոցը:

Աղբիւրին համաձայն զոհերու 47.206-ը իշխանական թեւին հաւատարիմ մարդիկ են, որմէ 28.804-ը անոր զօրքերու ներկայացուցիչներն են, 18.228-ը` իշխանամէտ ոստիկաններ, եւս 174-ը` լիբանանեան  Հըզպալլա կազմակերպութեան անդամներ:

Հակամարտութեան զոհ գացած է նաեւ ընդիմութենէն 23.707 մարդ, որնցմէ 17.071-ը` բախումներուն մասնակցող քաղաքացիներ են, 2.176-ը` կառավարական բանակէն փախած զինուորականներ, 4.460-ը` օտարերկրեայ վարձկաններ:

Պատերազմի ընթացքին զոհուած է նաեւ 41.533 քաղաքացի, որոնցմէ 6.087-ը երեխաներ են, իսկ 4.073-ը` կանայք: Կան նաեւ 2.760 զոհեր, որոնց ինքնութիւնը կը մնայ անորոշ:

Ռուսիոյ  ներկայացուցիչ  Վիթալի Չուրքին  նշեց, թէ  Սուրիոյ  քիմիական զէնքերուն  չէզոքացումը  պիտի դառնայ  Միջին Արեւելքը  քիմիական զէնքերէ զերծ  գօտիի վերածելու ազդանշանը:

LEAVE A REPLY

Please enter your comment!
Please enter your name here