ԼԻԲԱՆԱՆԵԱՆ ԿԱՐՃ ԼՈՒՐԵՐ

0
122

–         Ներքին գործոց  նախարարի  պաշտօնակատար Մարուան Շարպէլ  ընդունեց  Պէյթ Էլ Տինի   փառատօներու նախագահ Նորա Ճոմպլաթը եւ անոր հետ քննարկեց ընթացիկ հարցեր:

 –         Անծանօթ   մը  Արդարութեան պալատի պաշտօնէութեան  հետ  հեռաձայնային հաղորդակցութեան մէջ մտնելով, զգուշացուց  շէնքին մէջ զետեղուած  պայթուցիկի  մը  պայթումէն:  Ապահովական  միաւորներ անմիջապէս  փութացին  Արդարութեան  պալատ եւ  պաշտօնեաները  ամբողջութեամբ  հեռացնելէ ետք,  խուզարկութիւններու ձեռնարկեցին  շէնքին մէջ: Յետ քննութեան, պարզուեցաւ, թէ  հեռաձայնը  անհիմն էր:

–         Խորհրդարանի նախագահ Նեպիհ Պըրրի ընդունեց Ազէզի մէջ առեւանգուած լիբանանցի ուխտաւորներուն  հարազատները: Հանդիպումը՝ Պըրրիի  խնդրանքով մնաց լուսարձակներէ  հեռու: Առեւանգեալներուն հարազատները առանց  որւէ յայտարարութիւն կատարելու   հեռացան Պըրրիի գրասենեակէն:

–         Լիբանանի մէջ առեւանգուած երկու թուրք օդաչուները ազատ արձակելու բանակցութիւններուն  կը մասնակցին   գերմանացի  միջնորդներ: Կարգ մը աղբիւրներու համաձայն, անուղղակի  բանկացութիւններ  տեղի կ’ունենան  Ազէզի  մէջ առեւանգուած  լիբանանցիները եւ  գերմանցի  օդաչուները  միաժամանակ ազատ արձակելու նպատակով:  Շիի  համայնքի   իսլամական գերագոյն խոհուրդը  հաղորդագրութիւն մը հրապարակեց  երէկ, ուր թրքական  իշխանութեան  վերագրեց Ազէզի մէջ առեւանգուած  լիբանանցիներուն պատասխանատուութիւնը:

–         Նախարար  Ահմէտ   Քարամէի   գլխաւորութեամբ Ինտոնեզիա  մեկնող լիբանանեան պատուիրակութիւնը սկզբունքով  Երկուշաբթի  օր պիտի  վերադառնայ Լիբանան:  Պատուիրակութեան պիտի միանան Ինտոնեզիոյ  ջուրերուն մէջ նաւաբեկումէն  փրկուած  18   լիբանանցիներ:

–         Կրթութեան եւ բարձրագոյն ուսմանց նախարարի պաշտօնակատար Հասան Տիապ տեղեկագիր մը  ներկայացուց  լիբանանեան վարժարաններու անվտանգութեան   մասին:  Նախարարութիւնը կը զգուշացնէ, թէ 43  վարժարաններ վտանգուած  են եւ կը  գտնուին փուլ  գալու սպառնալիքի տակ: Հանրային անվտանգութեան սպառնացող   կրթական կառոցները  բաժնուած են հետեւեալ   տեսքով՝  հիւսիսային Լիբանան՝ 13,  Պեքաա՝6,  Նապաթիյէ՝ 5, Պէյրութ՝4,  Սայտա եւ Սուր՝  մէկական: Նախարարութիւնը դիտել կու տայ, թէ  անհրաժեշտ գումարներու բացակայութիւնը, անհնար կը դարձնէ  անոնց  վերանորոգութիւնը:

–         Աշխատաւորական Համադաշնակցութեան   պետ Ղասան Ղըսն զգուշացուց ընկերային  նոր  պայթումի մը սպառնալիքէն:  Ղըսն, անընդունելիւ նկատեց  երկրին   տնտեսական կացութիւնը եւ  նշեց թէ  մնայուն խորհրդակցութիւններ կը վարէ  տնտեսական  յանձնախումբերու  հետ, յառաջիկայի   քայլերը     ճշդելու  նպատակով:

–         Լիբանանեան  բարձրաստիճան պատուիրակութիւն մը փոխվարչապետ Սամիր  Մուքպէլի,  տնտեսութեան եւ ելեմտական  նախարարներ՝  Նահաս, Մուհամէտ Սաֆատիի,  Կեդրոնական Դրամատան ընդհանուր կառավարիչ Ռիատ Սալամէի մասնակցութեամբ պիտի   մեկնի Ուաշինկթըն՝  հետապնդելու  Լիբանանի օժանդակութեան համար  կայացած միջազգային խորհրդաժողովին որոշումները:

–         Մարոնիներու Պշարա Ռայի  գարտինալը  Պքերքէի մէջ ընդունեց  երեսփոխան  Հետի Հըպէյշը:  Վերջինս  գարտինալին  հետ քննարկեց  քաղաքական  բեմի վերջին զարգացումները:  Գարտինալ Ռայի  յառաջիկայ  Կիրակի առաւօտեան  հովուապետական այցելութիւն մը պիտի  կատարէ Թրիփոլիի  շրջակայ  մարոնիական  գիւղաքաղաքները:  

–         Վարչապետարանի կողմէ  հրապարակուած  հաղորդագրութիւն մը  քաղաքացիներուն կը  թելադրէ   ժամացոյցի սլաքները մէկ  ժամ   ետ տանիլ,  Շաբաթ 26-27 Հոկտեմբերի կէս գիշերին ՝ ձմեռնային  ժամանակացոյցը սկսելու պատճառով:

–         Ապահովական  միաւորներ  բացայայտեցին  Ռումիյէի  բանտը  պայթուցիկ  նիւթեր փոխադրելու փորձ մը: Ներքին գործոց նախարարութիւնը  անմիջական  հետաքննութիւն մը սկսաւ այս ուղղութեամբ: «Հնարամիտները»  ակրատի մը միջոցաւ  փորձած էին 150 կրամ պարունակութեամբ  « Սի-4» պայթուցիկ  նիւթ փոխանցել  ոմն Շարպէլ Շալիթա անունով  բանտարկեալի մը:

–         Ընկերվար  Յառաջդիմական Կուսակցութեան պետ Ուալիտ Ճոմպլաթ, Գլեմանսոյի իր ապարանքին մէջ ընդունեց  Համաշխարհային Դարամատան   Միջիւն Արեւելքի  նախագահ Ինկէր  Անտերսընը եւ Լիբանանի մօտ Բրիտանիոյ դեսպան Թոմ Ֆլեչըրը:

–         Ընկերային հարցերու նախարարի պաշտօնակատար  Ուայէլ Ապու Ֆաուր ցաւ յայտնեց, որ  միջազգային ընտանիքը  Հըզպալլայի  ներկայութիւնը  կը շահագործէ՝  Լիբանանին հայթայթելիք   օժանդակութիւններէն խուսափելու նպատակով:

 

LEAVE A REPLY

Please enter your comment!
Please enter your name here